S Biozentrum vo dr Uniwersidäät Baasel

en interdisziplinärs Instidut für biologischi Grundlaageforschig

S interdisziplinääre Biozentrum vo dr Uniwersidäät Baasel an dr Klingelbärgstrooss 50/70 z Baasel isch s grösste naturwüsseschaftlige Departemänt vo dr Uni. Es konzentriert sich uf die molekulari und biomedizinischi Grundlageforschig und Leer und ghöört zu de füerende Instidut vo sinere Art uf dr Wält.

S Biozentrum an dr Spitalstrooss
Dialäkt: Baseldütsch
S Logo vom Zentrum

ForschigBearbeite

S Biozentrum isch 1971 as äins vo de erste interdisziplinääre Instidut gründet worde. Hüte schaffe im Zentrum drissig Grubbe mit Forscher us dr ganze Wält und undersueche biologischi Brozäss uf ere molekulare Basis.Im Joor chömme mee as 200 wüsseschaftligi Publikazioone uuse. Schwerpünkt vo dr Forschig si d Biologii vo dr Zälle und dr Enteigglig, d Infekzionsbiologii, d Nöirobiologii, d Strukturbiologii, d Biofüsik und die „Computational & Systems Biology“.

LeerBearbeite

In dr Leer setzt s Zentrum uf e früeji Integrierig vo de Studänte in dr Forschigsaarbet. Für die beste Masterabsolvänte git s en internazionals PhD-Programm „Fellowships for Excellence“, wo vo dr Werner-Siemens-Stifdig understützt wird.

Zaale (2014)Bearbeite

S Biozentrum het mee as fümf hundert Mitarbäiter, drunder 30 Brofasser, 103 Postdoktorande, 131 Doktorande, 39 wüsseschaftligi Mitarbäiter, 42 Masterstudänte und öbbe 120 Lüt, wo in dr Verwaltig, de Labor und as Techniker schaffe.

S Büdsche isch mee as 66,3 Millione Franke, drvo drait d Uni 69,7 Brozänt und dr Schwizer Nazionalfonds 14,2 Brozänt.

KwelleBearbeite