Birgit Klaus
D Birgit Klaus (* 17. Novämber 1964 z Bade-Bade) isch e dytschi Schurnalischti, Rundfunk- un Färnsehmoderatori un Autori. Di braiter Effetligkait chännt si vor allem dur s Magazin Planet Wissen, wu vum SWR Färnseh, vu BR-alpha un em WDR Färnseh all Dag vu Mentig bis Frytig uusgstrahlt wird.
Lääbe ändere
Ase chlai isch d Birgit Klaus z Bade-Bade ufgwagse. Anne 1971 sin iri Elter mit ere uf Sao#Paolo z Brasilie zoge, wu s di negschte segs Johr vu ire Chindhait verbrocht het.[1] Noch em Abitur z Bade-Bade anne 1984 het si vu 1985 bis 1987 Psichology, Bolitik un Germanischtik an dr LMU München studiert.[2] Noch ere Hoschpitanz bim Bayerische Rundfunk het di Dreiezwanzgjehrig zum erschte Mol chenne moderiere, nämli d Sändig „Live aus dem Schlachthof“.[1] 1987/1988 het si d Klaus ire Sprächerzieig gwidmet, 1988 het si bim Radiosänder „Welle Fidelitas“ z Charlsrue ne Volontariat gmacht un 1991 e Redaktions-Volontariat bim Sidweschtfunk z Bade-Bade.[2]
Näbe ire Arbet as Redakteri un Moderatori vu dr Heerfunkprogramm SWF3 un speter SWR1 chännt me d Klaus vor allem dur s Magazin Planet Wissen, wu vum SWR Färnseh, vu BR-alpha un em WDR Färnseh im Wägsel all Dag vu Mentig bis Frytig uusgstrahlt wird. Si moderiert syt 2002 d Uusgabe vum SWR zäme mit em Dennis Wilms.[1]
Bis 2010 het si im SWR Färnseh am Sunntig als d Sändig Dreiland aktuell mit Nochrichte us em Dreiländereck Elsass, Schwyz un Bade-Wirttebörg moderiert. Im Spotjohr 2010 het si s offiziäll Programm zum 20. Dag vu dr Dytsche Ainhait vor em Rychsdag z Berlin moderiert, wu vum ZDF iberdrait woren isch. Syt 2020 moderiert si s 3sat-Ländermagazin fir Bade-Wirttebärg un Rhyland-Pfalz.
Im Juni 2011 isch ire erscht Buech Tier zuliebe. Vegetarisch – eine Kostprobe im Diederichs Verlag uusechuu.
D Birgit Klaus het e volljehrige Suhn.[1]
Weblink ändere
- Websyte vu dr Birgit Klaus
- SWR-Moderatorin: Birgit Klaus. In: planet-wissen.de. 5. Februar 2019.
- Dieter Engelmann: 10 Jahre Planet Wissen: Interview mit Planet Wissen Moderatorin Birgit Klaus. In: planet-wissen.de. 10. Januar 2013, archiviert vom Original am 30. Juni 2017.
Fueßnote ändere
- ↑ 1,0 1,1 1,2 1,3 Detlef Kratz: Zur Person: Birgit Klaus. (pdf, 987 kB) In: Doppelpfeil 4/2006. S. 27, archiviert vom Original am 12. April 2012; abgruefen am 20. März 2020.
- ↑ 2,0 2,1 Vita: Ausbildung. In: birgitklaus.de. Abgruefen am 6. September 2017.
|
Dä Artikel basiert uff ere fräie Übersetzig vu dere Version vum Artikel „Birgit_Klaus“ vu de dütsche Wikipedia. E Liste vu de Autore un Versione isch do z finde. |