Dr Bonifatius II. (* z Rom; † 17. Oktober 532) isch vum 22. Septämber 530 bis zue sym Dod Papscht un Bischof vu Rom gsii.

Lääbe un Wirke ändere

Är isch e gebirtige Oschtgot gsii, e Suhn vum Sigibuld. Sy Wahl het er em Yyfluss vum gotische-Chenig Athalarich verdankt. In ere eltere Gschichtsuffassig, wu traditionällerwys alli Germane allgmein as frieji Dytschi verstande het, isch är au als dr erscht dytsch Papscht gnännt wore.

Dr Bonifatius isch vu sym Vorgänger Felix III. as Noofolger designiert wore. Wel dää ne große Aahänger vum Gotechenig gsii isch un sälle Aahänger vum Arianismus gsii isch, isch die Noofolgregle nit uf di netig Anerkännig gstoße. Wäge däm het e Dail vum remische Klerus dr Dioskur as Gegepapscht gwehlt. Em Dioskur sy Dod no nume 22 Däg het däm Schisma aber schnäll en Änd gmacht. Dr Klerus isch zwunge gsii, s vum Bonifatius iber dr Dioskur verhängt Anathema aazerkänne, wu aber vum Agapitus I. 535 schließli wider widerruefe woren isch.

In sym Pontifikat het er d Bschliss zur Verdammig vum Pelagianismus un vum Semipelagianismus bstetigt, wu uf dr Synod vu Arausio anne 529 gfasst wore sin.

Im Johr 531 het dr Bonifatius sälber versuecht sy Noofolg z regle zuegunschte vum Vigilius, het die Reglig aber uf Druck vum Klerus wider mieße retuurnee. Dr Vigilius isch ainewäg e baar Johr speter zum Bischof vu Rom gwelt wore.

Dr Bonifatius II. isch dr erscht Pontifex in dr Raie vu dr Noofolger vum Petrus, wu nit noodregli hailiggsproche woren isch.

Literatur ändere

Weblink ändere

  Commons: Bonifatius II. – Sammlig vo Multimediadateie
VorgängerAmtNachfolger
Felix III.Papscht
530–532
Johannes II.
  Dä Artikel basiert uff ere fräie Übersetzig vu dere Version vum Artikel „Bonifatius_II.“ vu de dütsche Wikipedia. E Liste vu de Autore un Versione isch do z finde.