S Bretton-Woods-Süsteem

As Bretton-Woods-Süsteem wird die internazionali Wäärigsornig bezäichnet, wo noch em Zwäite Wältchrieg erschaffe worden isch und e Wäggselkursbandbräiti ghaa het, wo vom US-Dollar as Ankerwäärig bestimmt gsi isch. D Idee isch s gsi, ass s Süsteem d Vordäil vom ene flexible Wäggselkurssüsteem mit dene vom ene feste veräint. Es isch schliesslig noch eme Vorschlag vom Harry Dexter White (1892–1948) umgsetzt worde.

S Süsteem het si Naame vom Ort Bretton Woods im amerikanische Bundesstaat New Hampshire überchoo, wo d Finanzminister und Nootebankguwernöör vo 44 Staate vo de spöötere Siigermächte vom 1. bis zum 22. Juli 1944 zur Komferänz vo Bretton Woods zämmechoo si und zum Abschluss s Bretton-Woods-Abkomme underschriibe häi. Zum s Abkomme z kontrolliere und duuresetze het mä druf d Bretton-Woods-Organisazione bzw. -Instituzione, d Wältbank und dr Internazionale Wäärigsfon (IWF), gründet.

D Bundesrepublik Dütschland isch im Bretton-Woods-Süsteem 1949 im Joor, wo si gründet worde isch, bidräte.

Am Aafang vo de 1970er Joor isch s Bretton-Woods-Abkomme ufgee worde, d Instituzione häi zum Däil nöiji Funkzioone überchoo und witergmacht. S Syschtem mit relativ fixe Wechselkurse isch dodermit zugunschte vom sog. Floating, wo sich d Kurse entschprächend Aagebot und Nochfroog am Määrt (au vo dr Spekulation) frei bewege, ufgee worde.

Litratuur

• Graham Bird: Changing Partners: Perspectives and Policies of the Bretton Woods Institutions. In: Third World Quarterly. Bd. 15, Nr. 3, September 1994, ISSN 0143-6597, S. 483–503.
• Barry Eichengreen: Desequilibrios globales y las lecciones de Bretton Woods. In: Desarrollo Económico. Bd. 44, Nr. 176, Januar/März 2005, ISSN 0046-001X, S. 619–644.
• Diane Elson: People, Development and International Financial Institutions. An Interpretation of the Bretton Woods System. In: Review of African Political Economy. Bd. 21, Nr. 62, Dezember 1994, ISSN 0305-6244, S. 511–524.
• Ben Steil: The Battle of Bretton Woods. The Making of a New World. Princeton University Press, Princeton (New Jersey), USA, ISBN 978-0-691-14909-7.
• John Williamson: On the System in Bretton Woods. In: The American Economic Review. Bd. 75, Nr. 2, = Papers and Proceedings of the Ninety-Seventh Annual Meeting of the American Economic Association. Mai 1985, ISSN 0002-8282, S. 74–79.

Weblingg

• Text der Vereinbarungen zum IWF (englisch)
• Nick Beams: Als das System von Bretton Woods zusammenbrach
• Details zum Vertragsinhalt
• Glossar-Eintrag des Bundesfinanzministeriums
• Keynes’ Vorschlag: Der Bancor-Plan (PDF, 99 kB)
• einestages: Willkommen im Hort der Geldrevolution!