Carolin Klöckner
D Carolin Klöckner (* 9. Septämber 1995) isch e dytschi Agraarwiirti. 2018/2019 isch si di Dytsch Wyycheenigi gsii.[1]
Lääbe
ändereBis zue irem sibte Lääbesjoor isch d Klöckner in dr Verainigte Staate ufgwagse, derno isch d Familie wider uf Dytschland zooge. Iri Eltere hän im Vaihinger Ortsdail Gündelbach e Buurehoof un e Rossstaal. Vum April 2016 bis zum Meerz 2020 het d Klöckner Agraarwisseschafte an dr Uniwersiteet Hoohaim studiert. Iri Bachelor-Aarbet het si iber s Amt vu dr Wyyhoohait gschriibe.[2] Noch em Bachelor of Science (B.Sc.) in Agraarwisseschafte het d Klöckner z Hoohaim vu 2020 bis 2022 e Master of Science (MS) in Agribusiness gmacht. Syt Septämber 2022 schafft d Klöckner as Marketing Trainee Foodservice EMEA bi dr ADM Wild Europe z Haidelberch.
Si isch Vaihinger Wyybrinzässi gsii un im Septämber 2017 zur Wiirtebäärgische Wyycheenigi gweelt woore. Am 28. Septämber 2018 isch d Klöckner im Saalbau z Neustadt an der Weinstraße as Noofolgeri vu dr Katharina Staab zur 70. Dytsche Wyycheenigi gweelt woore. Si isch doodermit di 4. Wyycheenigi us dr Wyyregioon Wiirtebäärg gsii. As Wyybrinzässene sin fir di zwelfmoonetig Amtszyt d Inga Storck (* 1994, Einselthum, Pfalz) un Klara Zehnder (* 1996, Randersacker, Franken) gweelt woore. In irem Joor as Dytschi Wyycheenigi het d Carolin Klöckner zwaihundert Termiin ghaa.[2] Ire Lieblingswyy isch dr Lemberger.[2]
Weblink
ändere
Commons: Carolin Klöckner – Sammlig vo MultimediadateieFueßnote
ändere- ↑ Die neue Deutsche Weinkönigin heißt Carolin Klöckner!, 29.09.2018, uf deutscheweinkoenigin.de]
- ↑ 2,0 2,1 2,2 Sonja Faber-Schrecklein: Zu Besuch bei Carolin Klöckner, Deutsche Weinkönigin 2018/19, SWR, 28. Jänner 2020