Cerdia
D Cerdia, bis April 2019 Rhodia Acetow GmbH isch e Chemyunternäme un Häärsteller vu Celluloseacetat-Wärg fir d Zigarettefilterhäärstellig, Celluloseacetat-Flake un andere Celluloseacetat-Produkt, wu wältwyt operiert.
| Cerdia Produktions GmbH | |
|---|---|
| Unternähmensform | GmbH |
| Gründig | 2019 (1927) |
| Sitz | Fryburg,  Dytschland
|
| Leitig | |
| Mitarbeiter | 794 |
| Branche | Chemie |
| Uffdritt im Netz | https://www.cerdia.com |
.jpg)
Sitz vu dr Cerdia Produktions GmbH isch Fryburg. Anderi Produkzioonsstandoort sin z Roussillon (Frankryych), Kingsport (Tennessee, USA), Santo André (São Paulo, Brasiilie) un z Serpuchow (Russland) aagsiidlet. Bi Cerdia schaffe wältwyt rund 1.300 Lyt, dodervu z Fryburg rund 750.
Dr Cerdia Produktions GmbH iibergoornet isch d Cerdia International GmbH mit Sitz z Baasel. E Verdriibsniiderlossig het s z Singapur.
Gschiicht
ändereD Rhodia Acetow het zue dr eerschte Acetathäärsteller gheert. Wu anne 1911 eerschti Verfaarespatänt erdailt woore sin, het d Rhodia ab 1912 im franzeesische Saint-Fons aafangs Celluloseacetat-Flake (hitige Handelsname Cerdia® Acetol) häärgstellt, wu in Faarbe un Lack yygsetzt woore sin. Anne 1921 isch z Roussillon, Frankryych, aagfange woore, sintheetischi Gaarn häärzstelle, ab 1927 unter dr Firmierig Deutsche Acetat-Kunstseiden Aktiengesellschaft Rhodiaseta au z Fryburg. Ass mer nit mit Seta verwächslet wiird, eme Uusdruck fir raini Syyde, isch s Fryburger Unternäme anne in Deutsche Rhodiaceta AG umgnännt woore. Z Fryburg sait mer au hit allno d „Rhodia“.
Anne 1937 isch s Gaarnwäärch z Santo André, Brasiilie (Rhodia Acetow Brasil) entstande. Chuurz no dr Erfindig vu dr Zigarettefilterchaabel in dr USA (d Chaabel wäären as Verbund vu Ainzelfaasere us in Aceton gleeste Celluloseacetatflocke häärgstellt) het d Rhodia Acetow 1956 au z Fryburg mit däre Produkzioon (aafangs unter em Maarkename Rhiakabel, hite Cerdia® Filter Tow) aagfange, 1968 au z Santo André. Anne 1992 het d Rhodia Acetow s Mee an dr Aadail vum venezolaanische Unternäme Acetco ibernuu.
Zwai Joor druf isch s Wäärch Primester z Kingsport (USA) in Bedriib gnuu woore. 1997, 2001 un 2005 sin z Serpuchow, Russland, d Wäärch Sertow I–III ufgmacht woore.
Im Septämber 2011 het di belgisch Solvay-Gruppe s franzeesisch Chemyunternäme Rhodia ibernuu. Di dytsche Rhodia-Gsellschafte hän zum 2. April 2013 umfirmiert. D Rhodia Acetow GmbH het si in Solvay Acetow GmbH umgnännt. D Rhodia GmbH het ire Name in Solvay P&S GmbH gänderet. Boodi Gsellschafte hän unter em Dach vu dr bishäärige Rhodia Deutschland GmbH agiert, wu derno dr Name Solvay Holding Freiburg GmbH drait het.
Ändi 2016 het dr US-Finanzinväschtor Blackstone d Acetow-Spaarte vu Solvay gchauft. Zum 1. Juni 2017 het si d Solvay Acetow GmbH wider in Rhodia Acetow umgnännt. Mitti Juni 2017 isch verchindet woore, ass d Rhodia Dail vun eme globaale Joint Venture mit em amerikaanische Chemy-Riis Celanese het solle wääre.[1] Us däm Vorhaa isch aber nyt woore.
Im April 2019 het s Unternäme zue Cerdia umfirmiert.[2]
Weblink
ändereFueßnote
ändere- ↑ Badische Zeitung: Rhodia kommt nicht zur Ruhe. Filterhersteller wird Teil eines Gemeinschaftsunternehmens.
- ↑ Badische Zeitung: Traditionsbetrieb Rhodia in Freiburg heißt jetzt Cerdia
Koordinate: 48° 1′ 12,8″ N, 7° 50′ 38,9″ O
|
Dä Artikel basiert uff ere fräie Übersetzig vu dere Version vum Artikel „Cerdia“ vu de dütsche Wikipedia. E Liste vu de Autore un Versione isch do z finde. |