Christophorus (Gegepapscht)

Dr Remer Christophorus isch Kardinalprieschter vu Sankt Damasus gsii. Im Septämber 903 het er e Revolte gege dr Papscht Leo V. aagfiert, het en ins Gfängnis gheie loo un si derno sälber zum Papscht wehle un weie loo.

Scho vier Monet speter het en s nämlig Schicksal wie dr Leo droffe. Dr Sergius, Bischof vu Cerveteri, het scho 897/898 versuecht Papscht z wäre. Im Jänner 904 het är si jetz wehle loo, het d Macht griffe un het dr Christophorus in s nämlig Gfängnis gheie loo, wu au dr Leo V. din hockt isch.

Iber s wyter Schicksal vum Christophorus wsaiß mer nit vyl. Noch em Hermann vu Rychenau isch er no sym Sturz Mench wore. Dr Eugenius Vulgarius brichtet dergege, ass er dur dr Sergius III. umbrocht wore isch, wu aagebli di beede andere Pretendänte het hiirichte loo, wel er nit het welle aaluege, wie si im Gfängnis gsärblet sin.

Vu verschidene Quälle wird dr Christophorus as legitime Papscht, aber au as Gegepapscht gnännt. Bishär isch s nit megli, gnau z sage, eb er legitim gsii isch.

LiteraturBearbeite

  • Friedrich Wilhelm Bautz: Christophorus. In: Biographisch-Bibliographisches Kirchenlexikon (BBKL). Band 1, Hamm 1975, Sp. 1112.
  Dä Artikel basiert uff ere fräie Übersetzig vu dere Version vum Artikel „Christophorus_(Gegenpapst)“ vu de dütsche Wikipedia. E Liste vu de Autore un Versione isch do z finde.