Ciara Michel

D’ Ciara Kathleen Michel (* 2. Jüüli 1985 z’ Taunton, Anglànd) ìsch a britischa Volleybàllschpìelera, wo-n-àls Mìttelblockera schpìelt. Vu 2017 bis 2019 hàt sa biim ASPTT Mulhouse gschpìelt un schteht sitter 2020 bii Athletes Unlimited Pro League ìm Àmerikà unter Vertrààg. Drzüa ìsch sa sitter 2011 Mìtglìed ìn dr britischa Nàzionààlmànnschàft.

Ciara Michel
Ciara Michel 1.jpg
D’ Ciara Michel ànna 2014
Porträt
Geburtsdag 2. Jüüli 1985
Geburtsort Taunton, Groossbritànnia
Greßi 1,96 m
Position Mìttelblock
Verain
2003–2007
2007–2010

2010–2012
2012–2013
2013–2015
2015–2016
2016–2017
2017–2019
2019–2020
sitter 2020
University of Miami
Universität Melbourne
Monash University
Alemannia Aachen
VT Aurubis Hamburg
Yamamay Busto Arsizio
Bursa BBSK
AS Saint-Raphaël
ASPTT Mulhouse
Pays d’Aix-Venelles
Athletes Unlimited Pro League
Nationalmannschaft
sitter 2011 A-Nàzionààlmànnschàft

Stand: 12. Jüüli 2022

Dialäkt: Mìlhüüserdiitsch

ìhra Laawa un KàrriarBearbeite

D’ Michel ìsch d’ Tochter vu’ma àmerikànischa Basketballer un era Brita vun irischer Àbschtàmmung.[1] Wu sa zeh Joohra àlt gsìì-n-ìsch, ìsch sa mìt ìhra Äältra ìns Florida gwàndelt. Ìn dr Schüal hàt sa Cheerleadera wälla wara, àwwer hàt sìch schpeeter fìr Volleybàll äntschìeda.[2] Ìm Florida hàt sa zamma mìt ìhrer Schwaschter ìn’ra Mànnschàft gschpìelt.[2] Àb 2003 hàt sa àn dr Üniwärsitäät vu Miami Seelakunda gschtudiart un hàt därt ìn dr Üniwärsitäätsmànnschàft gschpìelt. Ànna 2007 ìsch sa àn d’ Üniwärsitäät vu Melbourne ìm Àuischtrààlia gànga ge schpìela.[3] Ìn dr Zwìschazitt ìsch sa a hàlb Joohr làng àn dr Monash-Üniwärsitäät ìm Vorort vu Melbourne àktiiv gsìì.[3]

Ànna 2010 ìsch sa ìn dr Alemannia Ààcha-n-ìm Diitschlànd gànga ge schpìela, mìt’m Àbsìcht, ìn d’ britischa Mànnschàft fìr d’ Olìmpischa Schpìela gwählt z’ wara.[4] Ìm Mai 2011 hàt sa z’ Lima zem äärschta Mol mìt dr Nàzionààlmànnschàft gschpìelt.[5] Bii da Olìmpischa Schpìela vu 2012 z’ London ìsch sa mìt dr britischa Mànnschàft uff Plàtz 9 ànakumma.[6] Drnooh ìsch sa uff VT Aurubis Hamburg gànga ge schpìela,[7] un ìns Yamamay Busto Arsizio ìm Itàlia ànna 2013. Mìt dam Verain hàt sa zwaimol dr itàlianischa Pokàl gwunna (ànna 2013/2014 un 2014/2015), so wia dr itàlianischa Schpìtzapokàl ìm Joohr 2014/2015.

Ìm Saison 2016/2017 hàt d’ Michel biim tìrkischa Verain Bursa BBSK gschpìelt, wu sa àm Plàtz 5 vu dr Nàzionààlmaischterschàft un àm Plàtz 3 vum Öiropäischa Challenge Cup ànakumma-n-ìsch. Ìm nachschta Joohr ìsch sa biim Verain AS Saint-Raphaël ìm Süüdfrànkrììch gsìì, mìt wällem sa ànna 2017 dr frànzeescha Schpìtzapokàl gwunna hàt. Ìm gliicha Joohr ìsch sa mìt Saint-Saphaël zwàr numma-n-àm Plàtz 13 vu dr Champions League gsìì, àwwer ìsch àls „Bäschta-n-Ààgrìffera“ vum Turniar gwählt worra.

Vu 2017 bis 2019 hàt sa biim owerelsassischa Verain ASPTT Mulhouse gschpìelt. Ìm äärschta Joohr mìt’m Verain hàt sa dr frànzeescha Schpìtzapokàl gwunna. Ìn baida Saisons ìsch dr Verain jewills àm Plàtz 3 vu dr frànzeescha Nàzionààlmaischterschàft un vum Frànkrììch-Pokàl ànakumma. Ànna 2018 ìsch d’ Michel zem „Bäschta Mìttelblockera“ vum Frànkrììch-Pokàl ärkläärt worra. Ànna 2019/2020 hàt sa zamma mìt’m Verain Pays d’ Aix-Venelles dr Frànkrììch-Pokàl gwunna. Sitter 2020 schpìelt sa biim Verain Athletes Unlimited Pro League ìn da Verainigta Schtààta.

D’ Ciara Michel bsìtzt d’ britischa, àmerikànischa un àuischtrààlischa Schtààtsààgheerigkait.[1]

WeblìnksBearbeite

  Commons: Ciara Michel – Sammlig vo Multimediadateie

AinzelnoohwiisaBearbeite

  1. 1,0 1,1 Max Eckstein: Karriere unter dem Union Jack. (PDF) (Nicht mehr online verfügbar.) In: Aachener Nachrichten. 13. April 2011, archiviert vom Original am 30. Mai 2011; abgruefen am 21. November 2011.
  2. 2,0 2,1 Q&A: Getting to Know... Miami's Ciara Michel. theacc.com, 12. Oktober 2007, archiviert vom Original am 16. Juni 2007; abgruefen am 21. November 2011 (änglisch).
  3. 3,0 3,1 Newest proCane Ciara Michel Signs Pro Volleyball Contract. proCanes, 2. August 2010, abgruefen am 21. November 2011 (änglisch).
  4. Neue Mittelblockerin für Volleyball-Damen. (Nicht mehr online verfügbar.) Alemannia Aachen, 16. Juli 2010, archiviert vom Original am 24. August 2010; abgruefen am 21. November 2011.
  5. GB Women – Tour of Peru Match 1 – Arequipa - 20.05.11. GB Women's Volleyball, Mai 2011, abgruefen am 7. September 2012 (britischs Änglisch).
  6. Team GB: Men’s and Women’s Volleyball Squads Selected to Team GB, 29. Juni 2012
  7. TSV Alemannia Aachen Karine Muijlwijk kommt aus Hamburg - Barbara Dégi verlängert, Ci Michel wechselt nach Hamburg (Site cha nüme abgrüeft wärde; Suche im Webarchiv)[1] [2] Vorlage:Toter Link/www.alemannia-aachen.de, 18. Juli 2012
  Dä Artikel basiert uff ere fräie Übersetzig vu dere Version vum Artikel „Ciara_Michel“ vu de dütsche Wikipedia. E Liste vu de Autore un Versione isch do z finde.