Französischi Großgmaindè

Dè Begriff von èrè Commune nouvelle z Frankriich wörd für è reformiti Großgmaind bruucht, wo durch dè Zämmèschluß vo früèner selbschtändigè Gmaindè per Dekret im Johr 2010 uff d Wält chò isch. D Rächtsgrundlaag dõdefür isch im Artikel 21 vum Gsetz Nr. 2010-1563 vum 16. Dezembèr 2010 („Reform vo dè Gebiètskörperschaftè“) feschtglait worrè. Sèlli Vorgangswys isch gwäält worrè, um è Reform vo Gmaindè z realisyrè un macht dè Zämmèschluss vo Nõchbòrgmaindè èbbèso möglich wiè au vo ganzè Gmaindevobänd, wo sich zuè nèrè "Commune nouvelle" voänderè wenn. D Commune nouvelle löst d Communes associées ab, wo durch s Gsetz Marcellin vum 16. Juli 1971 gschaffè worrè sin. D Commune nouvelle hèt s Zyl, diè übberfälligi Gmaindsreform z Frankriich ändlich z realisyrè, nõchdèm s Konzèpt vu dè Vowaltungsgmeinschaftè (CdC) sèlli Reform nit ermöglicht hèt, u. a. well d CdC dè kommunale Vowaltungsuffwand nit reduzyrt hèt, sondern nur interkommunali Aaglegèheitè effiziènter greglèt hèt. Bi dè neue Großgmaindè isch es z. B. jetzt möglich, d Kommunalvowaltung z voschlankè, idèmm d Communes déléguées uffglöst wörrèd, d CdC bildèt immer è zuèsätzlichi Vowaltungseinheit.

Gründung

È "Commune nouvelle" cha im Bann vo Gmaindè gschaffè worrè, wo anènand gränzèd:

uff Aadraag vo allnè Gmainderôt,
uff Aadraag vo mindeschtens zwei Drittel vo dè Gmaindrôt von èm Gmaindevoband,
uff Aadraag von èm Organ, wo èn Gmaindevoband im Hybligg uff d Gründung von èrè gmeinsamè "Commune nouvelle" all sini Mitglydsgmaindè berõtè duèt,
uff Initiativè vum Vodrètter vum Staat im Département, im Präfèkt.

Statut

D „Commune nouvelle“ isch nõch ußè è Gmaind, wo diè glychè Kompetänzè hèt wiè alli andrè normali französischè Gemaindè. Intern handlèt s sich um è spezièlli Vowaltungsorganisation uff Gmaindsebèni, wo d Inträssè vo dè einzelnè Gmaindè us èm Vobund entschprèchend brüggsichtigè duèt.

Diè zämmègschlossenè ehemòligè Gmaindè bliibèd meischtens in Form vo dè Communes déléguées erhaaltè, sèbbi übbernämmèd dè Nammè un diè territorialè Gränzè vo dè ehemòligè Kommunè übbernää un dènnè iri Inträssè z vodrèttè. Dè Gmainderõt vo dè „Commune nouvelle“ cha nõch èrè Berõtung abber au entscheidè, diè Delegyrtè vo dè ehemòligè Gmaindè nit z übbernää un dõhèr au keini „Communes déléguées“ z inschtallyrèd.

Entstehung

Dè Hauptgrund für d Kreation vo dè neuè Großgmaindè i dè voschiddènè Regionè vo Frankriich isch dè kontinuyrliche un i vylè Fäll immer no aahaltèndi Bevölkerungsschwund i dè Landgmaindè (communes rurales) sit dè Mitti vom 19. odder sit Aafang vum 20. Johrhundert; sèlli isch im Wesèntlichè uff d Uffgaab vo büèrlichè Chlybedryb sowiè uff d Mechanisyrung vo dè Landwǜrtschaft un dè dõmit vobundènè Voluscht vo Arbètsblätz zruggzfüürè.

Weblingg

Gsetzlichi Grundlaag uff legifrance.gouv.fr

Dä Artikel basiert uff ere fräie Übersetzig vu dere Version vum Artikel „Commune_nouvelle“ vu de dütsche Wikipedia. E Liste vu de Autore un Versione isch do z finde.