Cypress Hill sin a HipHop-Gruppa us Los Angeles, wo 1988 gründt wora isch und bis 2005 wältwit eppa 16 Milliona Alba vakoft hot. Wo eana erschte CD usaku isch, hon Journalischte eana Musi als Mischung us Public Enemy und Beastie Boys beschriba. Bi uns bekannt wora isch dia Gruppa vor allem wegs eana Engagement für d Legalisierung vom Cannabiskonsum.

Zwoa vo de urschprünglige Mitglider sin Latinos - dr B Real (Louis Freese, mit mexikanische und kubanische Wurzle) und dr Sen Dog (Senen Reyes, mit kubanische Wurzle, Brueder vom Mellow Man Ace). Da dritte, da DJ Muggs, isch Italoamerikaner.

Nama ändere

Da Nama Cypress Hill kummt vom Wohnort vo da Gründungsmitglieder, wo fasch alle in da Cypress Avenue in South Gate ufgwachsa sin.

Bandgeschichte ändere

Dia Original-Bandmitglieder kummen us South Gate, Kalifornien. Eana erscht Uftritt hond se in Südkalifornien vor nam Publikum us Latinos khet. 1991 hond se an Vatrag mit Ruffhouse Records untaschrieba und sin damit üba‘s Label Columbia Records vatrieba wora.

Scho eana erschtes Album Cypress Hill, wo 1991 ussaku isch, hot a große Fangemeinde gwunna, obwohls weda mainstream noch chartorientiert gsi isch. Dia Tracks vo deam Album sin vor allem im CollegeRadio und von Radiosendern im Großstädt gschpielt wora, und dia Platta hot se insgesamt fasch 2 Milliona Mol vakoft. DJ Muggs hot dazwüscha Tracks mit House of Pain, den Beastie Boys und Funkdoobiest produziert.

1993 hond se mit da näkschta Platta Black Sunday da internationale Durchbruch gschafft. Dia isch uf Platz 1 in da US-Charts igschtiega, und hot alloa in da USA Doppelplatin gholt. D Single Insane In The Brain isch wältwit an Hit gsi, wo net bloss s‘ typische Hip-Hop-Publikum kennt hot. Damit hond dia erfolgreichschta Johr vo dera Band agfanga. Se sin zwoamol Headliner bim Lollapalooza-Festival gsi, oane Folge vo daSimpsons grift des uf (1994 bim Festival Woodstock II) und se hon viele Projekte mit Bands, wo net usm Hip-Hop-Bereich kummen, wie z. B. Pearl Jam und Sonic Youth, mit deana da Song I Love You Mary Jane uf Judgment Night vaöffentlicht wora isch

S nächschte Album, III (Temples of Boom) vo 1995 isch uf Platz 3 vo da US-Charts ku mit der Hit-Single Throw your set in the air.

1997 hond sich alle Bandmitglieda meh uf Soloprojekte konzentriert. DJ Muggs hot dia LP Muggs Presents ... the Soul Assassins vaöffentlicht, u. a. mit Features vo Dr. Dre, KRS-One, Wyclef Jean und Mobb Deep. B-Real hot Gastauftritte ufm Space Jam-Soundtrack und uf Dr. Dres Aftermath- Album ghet. Danebe hot a als Rapper und Produzent am Album vo da Gruppa Psycho Realm mitgschafft.

1998 isch IV ussaku, wieda a Goldene Schallplatta mit da Hit-Single Tequila Sunrise und dem Marijuana-Tribut Dr. Greenthumb. 1999 isch a Greatest-Hits-Album uf Spanisch (Los grandes éxitos en español), 2000 s‘Dopplalbum Skull & Bones, mit da „Skull Disc“ mit Rap- und der „Bones Disc“ mit Rock-/Crossover-Tracks, und nam Live-Album (Live at the Fillmore). Im nächschta Johr hond se Stoned Raiders ussabrocht, wo wieda Rock- und Crossover-Tracks druf ghet hot, des Mal zäm mit Rap-Stücken.

2002 Kurzuftritt und Mitgestaltung vom Soundtracks zum Film So High mit Method Man und Redman in da Hauptrolla.

2004 hot dia Band wita mit andra Rock-Musika zämgschafft fort und agfanga, mit Reggae zum experimentiera. Uf däm im März veröffentlichta Album Till Death Do Us Part hond Tim Armstrong (Rancid), Rob Ashton (The Transplants) und Damian Marley, da Sohn vo Bob Marley mitgschpielt. Dia erschte Singleauskopplung What's Your Number basiert ufm Song Guns of Brixton vo The Clash und hot eana an Erfolg in da Rock-Charts brocht.

Diskographie ändere

Cypress Hill

  • 1991 Cypress Hill (Album)
  • 1993 Black Sunday
  • 1995 III (Temples of Boom)
  • 1998 IV (Album)|IV
  • 2000 Skull & Bones (2 CDs)
  • 2001 Stoned Raiders
  • 2004 Till Death Do Us Part
  • 2010 Rise Up
  • 2018 Elephants on Acid
  • 2022 Back in Black

Sampler und Compilations

  • 1996 Unreleased & Revamped (EP)
  • 1999 Los Grandes Éxitos En Español
  • 2000 Live At The Fillmore
  • 2002 Stash (EP)
  • 2004 Cypress Thrill
  • 2005 Greatest Hits from the Bong

DVDs ändere

  • 2000 Still Smoking
  • 2004 The Ultimate Collection

Soloprojekte ändere

DJ Muggs

  • 1997 The Soul Assassins Chapter 1
  • 1999 Tricky with DJ Muggs and Grease Juxtapose
  • 2000 The Soul Assassins II
  • 2003 Dust
  • 2004 Aftermash - Mash Up Radio Vol. 1 (Mixtape)
  • 2005 Aftermash - Mash Up Radio Vol. 2 (Mixtape)
  • 2005 Grandmasters (mit GZA vom Wu-Tang Clan)
  • 2006 The Soul Assassins III (Release am 29.08.06)

Sen Dog

  • 2000 Mad Dog American (mit SX 10, Sen's Crossover band)
  • 2005 Rhymes In The Chamber (mit SX-10)
  • 2006 Ghetto Therapy (mit sinem Brüada Mellow Man Ace)

B-Real

  • 1997 The Psycho Realm
  • 2005 The Gunslinger Mixtape Volume 1
  • 2006 The Gunslinger Mixtape Volume 2

Weblink ändere

  Commons: Cypress Hill – Sammlig vo Multimediadateie