Dampfwage

E Dampfwage isch en Automobil, wo von ere Dampfmaschine mit Hilf vo Wasserdampf adriibe wird.

Fardier vom Nicholas Cugnot, 1769

Dr erst gwärblig Dampfwage, d London Steam Carriage vom Richard Trevithick, 1797

Dampfwäge si mit em Cugnot siiner Artilleriizugmaschine vo 1769 die erste ächte Automobil überhaupt. E Dampfwage, "La Mancelle" vom Amédée Bollée vo 1878, isch mit 50 Exemplar s erste Auti gsi, wo in Serii baut worden isch, und dr Dampfwage "Stanley Rocket" vom Francis Edgar Stanley und Freelan O. Stanley, isch 1906 s erste Auti gsi, wo mit 205,5 km/h schnäller as 200 km in dr Stund gfahren isch.

Während in de Aafangsziite vom Automobil mänggisch d Dampfwäge, mänggisch d Elektroauto (z. B. s erste Auto über 100 km/h) d Nase vorne gha hai, het sich schliesslig dr Verbrennigsmotor fast vollständig duregsetzt. Nume in Randberiich wie Zugmaschine und Dampfwalzene het dr Dampfwage bis 1950 überläbt, währed d Elektroauti jetzt wider e gwüssi Renaissance erläbe. Aber bi de Dampfwääge het sich sithäär nume wenig doo. Dr Gschwindikeitsrekord für Dampfwäge zum Bischbil, wo 1906 ufgstellt worde isch, isch erst 2009 broche worde, wo dr Charles Burnett III. in dr Mojave-Wüesti z Kalifornie 224 Kilometer pro Stund schnäll gfaare isch.

Dampfwagegalerii

• 
  Dampfwalzi, um 1900
• 
  Dampftraktor “Lena” vo Wallis & Steevens, Baujohr 1905
• 
  E britische Foden-Dampflastwage (Alter unbekannt)
• 
  E Dampfchessel vom ene Stanley Steamer Serii 740 vo 1924. Rächts dr Kondensator.
• 
  L'Obéissante vom Amédée Bollée photographiert 1875
• 
  White touring car (1909)
• 
  Stanley-Dampfwage vo 1912
• 
  Stanley Dampfwage vo 1923

Litratur

• Rauck, Max J. B.: Cugnot, 1769–1969: der Urahn unseres Autos fuhr vor 200 Jahren. München: Münchener Zeitungsverlag 1969.
• Bruno Jacomy, Annie-Claude Martin: Le Chariot à feu de M. Cugnot, Paris, 1992, Nathan/Musée national des techniques, ISBN 2-09-204538-5.
• Louis Andre: Le Premier accident automobile de l'histoire , in La Revue du Musée des arts et métiers, 1993, Numéro 2, p 44-46
• B. Roes: L'Agriculture à toute vapeur: le monde fascinant des tracteurs à vapeur et des locomobiles hier et aujourd'hui, DT media, 2002, ISBN 0-86111-127-3

Weblingg

• Hybrid-Vehicle.org: The Steamers
• The British Steam Car Challenge
• The Steam Car Club of Great Britain
• The Steam Automobile Club of America
• Overview on an attempt to break the existing 101 year old Steam car world land speed record
• Pritchard engine
• Photographs of Doble steam cars at The Steam Car Club of Great Britain
• "Jay Leno's Garage: A Case For Steam", Popular Mechanics May 2003