Daniel Spinnler
Dr Daniel Spinnler, wo anne 1976 z Lieschtel uf d Wält koo isch, isch e Schwiizer Ökonoom und e Politiker vom Baselbiet.
Er isch dr Soon vom Edgar Spinnler, wo synerzyt Stadtroot vo Lieschtel gsi isch. Er het sich i dr Juget für d Pfadi angaschiert, isch spöter go Wirtschaftswüsseschaft studiere und het bi der Wirtschaftkammere Baselland und als Unternäämensberooter gschaffet. Er isch au no Gimilehrer woorde und het a dr Hochschuel für Agrar-, Forscht- und Läbensmittelwüsseschaft z Bern glehrt. Z Lieschtel isch er Adjutant vo dr Stützpunktfüürweer gsi.
Anne 2017 isch dr Spinnler zum Ywoonerroot und 2016 zum Stadtpresidänt vo Lieschtel gwäält woorde.
Er het bi de Stiftigsrööt vom Dichter- und Stadtmuseum Lieschtel, vom Tierpark Weihermätteli, vo dr August Prader und Rosa Fehr Stiftig und vo dr Paul Schwob Stiftig mitgmacht.