Der König der Löwen
Der König der Löwen (Originaltitel: The Lion King) isch en Zeichetrickfilm vo Disney, wo 1994 erschine isch. Im Jahr 2011 isch e 3D-Fassig vom Film id Kinos cho.
| Filmdate | |
|---|---|
| Dütsche Titel | Der König der Löwen |
| Originaltitel | The Lion King |
[[Datei: Logo | |
| Produktionsland | USA |
| Originalsprooch | Englisch |
| Erschiinigsjoor | 1994 |
| Lengi | 88 Minute |
| Altersfreigoob | FSK 0 |
| Stab | |
| Regie | Roger Allers, Rob Minkoff |
| Dräibuech | Irene Mecchi, Jonathan Roberts, Linda Woolverton |
| Produktion | Don Hahn |
| Muusig | Hans Zimmer (Musik), Elton John (Lieder), Lebo M (Gsang, Leiter vom Chor) |
| Schnitt | Tom Finan |
Handlig ändere
De Simba isch en Junge Loi, wo spöter emal de Platz vo sim Vater als König vo de Loie inä wird. De Simba mag chum warte und wär am liebschte jetzt scho König. Es wäri alles guet, wenn da nöd de bösi Onkel vom Simba, de Scar wär. Dä wot nämli au König si. Er versuecht, de Simba und sin Vater mit enere Lischt usem Wäg zrume.
Er verzellt em Simba vom Elefantefriedhof, wo am Rand vom Königriich liet. De Simba wot das sofort gseh, obwohl er weiss, dass er nöd det ane törf. Zäme mit siner Fründin Nala schliecht er sich defo, wo grad niemer lueget. Uf em Friedhof isch es recht unheimlich. Drü Hyäne begäned ine, wo versuched di beide chline Loie zfrässe. Zum Glück chunnt de Mufasa, em Simba sin Vater, grad na rächtziitig zum die zwei z'rettä. Am Scar sin Plan isch gschiiteret, aber er het scho wieder e noi Idee.
Er verspricht em Simba en Überraschig, wenn er ufem Felse i de Schlucht wartet. De Scar schlicht sich defo und git sine Hyene es Zeiche. Scho schüched si e Gnuherde uf, wo de Simba söll vertrampe. De Mufasa rettet sin Sohn, rutscht aber vo de steile Wand ab und stirbt. De Scar rett em Simba i, dass es sini Schuld isch. Will er sich nöd traut zu siner Mueter zrugg zgah, lauft er devo.
Nach emene lange Marsch trifft de Simba de Timon und de Pumba, es Erdmännli und es Warzeschwein. Er bliibt bi ine und lebt nach em Motto "Hakuna Matata", was sovil bedütet wie "keini Sorge". Nach vilne Jahr, de Simba isch i de Zwüscheziit zumene stattliche Leu worde, taucht e Loin uf, wo de Pumba jagt. De Simba schützt sin Fründ und er merkt, dass die Loiefrau sini Fründin Nala isch.
D'Nala überredt de Simba zrugg zcho. Er wot zerscht nöd, will er Angscht het, si wär bös uf in, wenn si erfahre würd, dass er gschuld isch am Tod vo sim Vater. Schliesslich chunnt er aber doch mit und sie schtürzed d'Herrschaft vom Scar. De Simba wird jetzt König.
Weblingg ändere
- Sammlig vo Kritike zue Der König der Löwen uf Rotten Tomatoes (änglisch)