Hauptmenü ufmache

Les Dernières Nouvelles d'Alsace ìsch a elsassischa Zittung, aui güet bekànnt unter dr Àbkìrzung DNA. Sa ìsch d Zittung wo ìm Elsàss àm meischta glasa wìrd.[1]

Dernières Nouvelles d'Alsace
Dernières Nouvelles d’Alsace.svg
Beschriibig Tàgszittung fer s Elsàss
Erstusgob 1877
Erschiinigswiis tàglig
Chefredakteur Dominique Jung
Weblingg www.dna.fr
Dialäkt: Elsassisch

GschìchtBearbeite

 
Titelblätt vu dr erschta Üsgàb, àm 1. Dezamber 1877

Dia Zittung ìsch ìm Novamber 1877 grìnda worra, in'ra Zitt wo s Elsàss ditsch gsìì ìsch. Dr Verlàger un Drucker Heinrich Ludwig Kayser hàt sa „Neueste Nachrichten“ gnennt. Àm Ààfàng ìsch dia Zittung ummasunscht gsìì; ànna 1878 ìsch sa zum Verkàuifa worra.

Ìhra Hàuiptsìtz befìndet sìch zitter 1871 ìn dr rue de la Nuée Bleue, z Stroßburi.

Ànna 1921 ìsch d Zittung s erschta Mol uf Frànzeesch veräffentligt worra. Ìm gliicha Johr hàt sa sìch aui ìm Owerelsàss, z Colmer, ìnstàlliart.

Wahrend em zweita Waltkriag han d Nàzi a Propàgànda-Zittung ìm Sìtz vu da DNA druckt. Gliichzittig han Àrweiter vu da DNA ìm Ìnnerfrànkrìch ìhra eigena Zittung veräffentligt: le „Journal des Réfugiés“ z Bordeaux bis ànna 1940, un dernoh „L'Echo des réfugiés“ z Montpellier.

Ànna 1995 ìsch d DNA-Zittung d erschta ìm Frànkrìch wo-n-a on-line Version uf em Ìnternet ààbota hàt.

Hìttiger ZüestàndBearbeite

Àn da DNA schàffa ungfahr 150 Journàlischta. D Zittung wìrd nìt numma ìn da Gschafter verkàuift, àwer aui jeder Morga bi da Àbboniarta dheim üsteilt.

Àm 25. November 2010 sìn d DNA vum „Crédit Mutuel“ (dur sina Bànka BFCM) àbkàuift worra[2]. Dr Crédit Mutuel besìtzt scho mehrera àndra regionàla Zittunga (L'Alsace-Le Pays, l'Est républicain, Vosges Matin, Le Bien public, Le Journal de Saône-et-Loire, le Journal de la Haute-Marne, Le Dauphiné libéré, le Progrès, le Républicain lorrain).

Externa LinksBearbeite

  Commons: Dernières Nouvelles d’Alsace – Sammlig vo Multimediadateie

ReferanzBearbeite