Die Ärzte
Die Ärzte isch e tütschi Punkband, wo mittlerwiile aber au meh Pop und schlagermässigi Elemänt (meischtens ironischerwiis) i ihrne CD's iibaut.
 | ||
| Allgmeini Informatione | ||
| Genre | Punk, Rock | |
|---|---|---|
| Gründig | 1982 | |
| Uuflöösig | 1989 | |
| Noigründig | 1993 | |
| Website | www.bademeister.com | |
| Gründungsmitglider | ||
Gsang, Gitarre, Bass |
Farin Urlaub | |
Gsang, Schlagzüüg |
Bela B. | |
Gsang, Bass |
Sahnie (bis 1986) | |
| Aktuelli Bsetzig | ||
Gsang, Gitarre, Bass, |
Farin Urlaub | |
Gsang, Schlagzüüg |
Bela B. | |
Gsang, Bass, Gitarre |
Rod (sit 1993) | |
| Ehmaligi Mitglider | ||
Gsang, Bass |
The incredible Hagen (1986–1988) | |
| Dialäkt: Züritüütsch |
Ggründet worde sinds im 1982, und händ nach Versuechsphase als "Soylent Grün" denn als "Die Ärzte" agfange sich ufe z arbeite. Gründigsmitglieder sind damals de "Bela B." und de "Farin Urlaub" gsi, und mitem Bassischt "Sahnie" händs dänn au die erschte Albe gmacht. Bsunders empfehlenswert sind "Debil" und "Im Schatten der Ärzte" (letschteri zimmlich vom 80-er-Gruftie-Flair beiiflusst, vor allem am Bela sini Frisur). Ufem drittä Aubum sisi numä z zwöit ufem Cover ds gseh, wiu si säch fom "Sahni" trennt hei u somit isch "The incredible Hagen" nöi derzuä cho.
Nach de Lieder "Geschwisterliebe" und "Claudia" sind Die Ärzte zimmlich schnäll vo de "Bundesprüfstelle für jugendgefährdende Schriften" entdeckt und indiziert worde. Uf das abe händ sie e Mini-LP unter em Name "Ab 18" usebracht wo uusschliesslich indizierti Lieder druff sind. Dur de Medieskandal, wo dadurch entschtande isch, sind sie natürlich nur na berüehmter worde und ab det ischs denn au würkli berguuf gange.
Eineweg händ sie sich im 1989 vo de Bühne verabschiedet nach em grandiose "Nach uns die Sintflut"- Live-Album.
D'Widervereinigung isch denn im 1993 mit em ziitlose Album "Die Bestie in Menschengestalt" und em Rodrigo Gonzalez am Bass gfiiret worde und häts mitem Song "Schrei nach Liebe" au gad id Charts gschafft.
Sit 1993 sind die Ärzte wohl eini vo de berüemt-berüchtigschte dütsche Bands und händ mit Albe wie "Le Frisur" (wo sich uusschliesslich um Haar handlet), "Planet Punk" und de neuere "13" und "Geräusch" bewiese, dass sie em Kult grächt werdet.
Die Ärzte werdet au als hervorragendi Live-Band ghandlet.
I letschter Ziit händ sich de Farin Urlaub und au de Bela B. mit Solokarriere versuecht, wo aber lang nöd so erfolgriich laufet wie ihri Zämenarbet als "Ärzte".
Nachdem 2006 es zemlechs Ärzte-loses Johr gsi isch, göhnt si 2007 weder uf Tour metem Name "ES WIRD ENG-Tour".
Am 2. Novämber 2007 isch ehres nöie Album JAZZ IST ANDERS ufe Markt cho und am 13. April 2012 s zwälft Album auch.
Diskografie
ändere- Debil (1984)
- Im Schatten der Ärzte (1985)
- Die Ärzte (1986)
- Das ist nicht die ganze Wahrheit... (1988)
- Die Bestie in Menschengestalt (1993)
- Planet Punk (1995)
- Le Frisur (1996)
- 13 (1998)
- Runter mit den Spendierhosen, Unsichtbarer! (2000)
- 5, 6, 7, 8 – Bullenstaat! (2001)
- Geräusch (2003)
- Jazz ist anders (2007)
- auch (2012)
- Hell (2020)