Die Weihe des Hauses
Die Weihe des Hauses isch e Festspiil, wo bi dr Nöieröffnig vom Wiener Josefstedter Theater am 3. Oktober 1822 ufgfüert worde isch. Dr Ludwig van Beethoven het drfür as Begläitmuusig d Muusig vo sim früenere Wärk Die Ruinen von Athen, op. 113 adaptiert, won er zum e Teggst vom August von Kotzebue komponiert het, und dr Karl Meisl het dr Teggst vom Kotzebue aabasst.[1] Wägen em Meisl sine Teggständrige, het d Muusig vo de Ruine nüm ganz zum Teggst basst, sodass dr Beethoven si Muusig het müesse aabasse und au nöiji Muusig für dr zuesätzlig Teggst Wo sich die Pulse het müesse schriibe (WoO 98). Sust het dr Beethoven weenig müesse ändere. Er het aber non e Schlusschor mit eme Giigesolo und Ballett drzuegschriibe, e Marsch überarbäitet (op. 114)[2] und e nöiji Uwertüüre (op. 124) gschriibe.[2][3]
Es isch s erste Wärk vom Beethoven gsi, won er mit sine Studie vom J. S. Bach und vom Georg Friedrich Händel fertig gsi isch, und die häi groosse Iifluss gha druf. Dr Beethoven het d Uwertüüre em Fürst Nikolaus vo Galitzin gwidmet.
Fuessnoote
ändere- ↑ Elliot Forbes (Hrsg.): Thayer's Life of Beethoven. Volume II. Princeton University Press, 1967, ISBN 978-0-691-02718-0 (Iigschränkti Vorschau uf books.google.de).
- ↑ 2,0 2,1 Begläitmuusig uf Beethoven-Haus-Bonn.de
- ↑ The Age of Beethoven uf Books.Google.de
Weblinks
ändere- http://www.musicwithease.com/consecration-house.html
- http://www.answers.com/topic/die-weihe-des-hauses-consecration-of-the-house-overture-for-orchestra-op-124
- Consecration of the House Overture: Note im International Music Score Library Project.