Diskussion:Faulensee

Als z'Züri geboorene Bärner, bin ich viilicht nöd berächtigt, am Bärndütsche im Artikel 'Fulesee' ume z'kritisiere, ich tue's trotzdem.

"Z'hüttige Fulesee geit zrügg uf e ne alti Güetergmeinschaft mit Allmänd und Wald, wo z' Dorf,... ". Da wird zweimal de sächlichi Artikel als z' gschribe, das halt ich für falsch. Es sött villme es s' sii oder vor miir us es ds (s'hüttige Fulesee oder ds hüttige Fulesee). Richtig isch's z' aber i "het's z' Fulesee e früehmittelalterlechi ... ".

"Kapälle", "Fäld", "Allmänd" töned für miich nöd Bärndütsch, ich ha bis jetzt gmeint, das heissi: Kapäue, Fäud u Aumänd, oder würd mer besser Fäwd etc. schriibe?

Das es im Bärndütsche s'Wort "und" git, han ich bis jetzt nöd gwüsst, ich ha immer gmeint, Bärner sägid numme "u".

Gruess vom Fredi vo Züri

Ich dät behaupte de Artikel isch gar keis Bärndütsch.--62.2.212.218 21:25, 12. Apr. 2009 (MESZ)Beantworten

Dr Dialäkt vom Artikel isch würkli merkwürdig, es isch vor allem aber au e halbbatzigi Übersetzig us em Schriftdütsche. Ich ha e paar sprochligi Korrekture vorgnoo. Abr do das e Wiki isch, bisch du Fredi und alli andere (aui angere ;)) härzlig yglade, witeri Fähler z'korrigiere (denn ich bi kei Bärner) --Dr Umschattig red mit mir 23:13, 12. Apr. 2009 (MESZ)Beantworten

Abschnitt zuefiege