Doris Oswald

Dialäkt: Schwäbisch

D Doris Oswald (* 9. Januar 1936 z Metzenga als Doris Hauber; † 30. Oktober 2020), ischt a deitscha Humorischdin ond Autorin gwä, wo ondr andrem – meischdens zamma mit dr Rosemarie Bauer – Gedicht em schwäbischa Dialekt vorfasst hot.

Aus ihrem Leaba

D Doris Hauber ischt am 9. Januar 1936 z Metzenga uff d Welt komma. Mit ihrer Heirat hot se da Familianama vo ihrem Moo Karl, Oswald, ognomma. Dr Doris Oswald ihr erlernder Beruef ischt Kaufmennische Ogschdellde gwä. Neabaher hot se noh gschriba, oft mit dr gleichaltriga ond us dr gleicha Stadt stammenda Rosemarie Bauer, Gedicht uff Hocheitsch ond em schwäbischa Dialekt. Selle zwoi ihr erschdr Lyrik-Band em schwäbischa Dialekt ischt em Johr 1986 rauskomma: Do lieg i ond träum. Mit ihrer Schreib-Partnere hot Doris Oswald an dr Mundart-Akademii teilgnomma. Hin ond wiider hot-ma dui Frau au en dr Sendong »Radiolaube« em 4. Programm vom Sidweschtrundfunk (SWR) heera kenna.

Ehronga

• Em Johr 2002 hot d Doris Oswald beim Wettbewerb om da Sebastian-Blau-Preis da dridda Platz erronga.
• Fir ihr grauß Engagement om da Tiirschutz z Metzenga isch dr Doris Oswald en-ra effentlicha Ronde vom Metzenger Obrbirgermoischtr mit-ma Buach- ond Weinpräsent geehrt worra.

Biacher, wo-se (mit)gschriiba hot

• Doris Oswald, Rosemarie Bauer: Der Wettlauf zwischen Hase und Igel. Titania-Verl., Stuttgart 1970, ISBN 3-7996-6060-7
• Doris Oswald, Rosemarie Bauer: Do lieg i ond träum: schwäb. Gedichte. Knödler, Reutlingen 1986, ISBN 3-87421-148-7
• Doris Oswald, Rosemarie Bauer: Zwei kleine Negerlein: ein Bilderbuch.Boje-Verlag, Stuttgart 1972, ISBN 3-414-13690-2
• Doris Oswald, Rosemarie Bauer: Klärle, ons lauft d Zeit drvo: schwäbische Gedichte. Knödler, Reutlingen 1990, ISBN 3-87421-166-5
• Doris Oswald: D Wonder kriagt ma gschenkt. Knödler, Reutlingen 1997, ISBN 3874211975
• Doris Oswald: Wenn d Sonn rauskommt: schwäbische Gedichte. Silberburg-Verlag, Tübingen 2005, ISBN 3-87407-659-8
• Doris Oswald: Do guck naus: Silberburg Verlag, Tübingen 2011, ISBN 978-3-8425-1123-1, Bilder Sabrina Oswald
• Doris Oswald: Und der Himmel so blau: Hochdeutsch, Messner Verlag, 2011, ISBN 978-3-934309-21-0, Bildautorin Renate Otto
• Doris Oswald: Vagabundenwind: Hochdeutsch, Messner Verlag, 2017, ISBN 978-3-934309-28-9, Bildautorin Renate Otto

Quella

• Kurzbiografii em Biachle Klärle, ons lauft d Zeit drvo – Schwäbische Gedichte, S. 135, Verlag Karl Knödler, Reutlingen, 1993, ISBN 3-87421-166-5
• Lueg d Weblink

Weblinks

• Metzinger Mundart-Autorin Doris Oswald gestorben, Reutlinger Generalanzeiger, 7. November 2020
• Tauben gehören zum Stadtbild, Südwestpresse, 10. April 2013
• Kurzbiografii uf mund-art.de