Dornenreich

Dornenreich (uf alemannisch: Dornäriich) isch ä österiichischi Black Metal-Band, wo 1994 vom Thomas „Valñes“ Stock gründet worde isch. Ihri Musig hett sich mehrmals emene Stilwandel unterzoge, vo härtem Black Metal mit melodische Keyboardmelodiä, zu melancholischer, teils ruhiger teils ufwüehlender Instrumentalmusig, bis zu folkige Liedär mit Gitarrä und Giige. Trotzdem dued mer si grob em Black Metal, Dark Metal, oder gar em Avantgarde Metal zueordne.

Dornäriich
Bim Summer Breeze 2007
Gründig	1994
Genre	Black Metal, Dark Metal
Website	www.dornenreich.com
Bandmitglider
Gsang, Gitarrä, Bass, Tamburin	Jochen „Evíga“ Stock
Giige	Thomas „Inve“ Riesner (sitt 2006)
Schlagzüg, Perkussion	Moritz „Gilvan“ Neuner (fest sitt 2009)

Biografii

Ursprünglich im Jahr 1994 vom Thomas „Valñes“ Stock gründet, hett Dornenreich ersch 1997 s erschte Album mit em Titel "Nicht um zu sterben" ussebracht, eis Jahr nachdem de Jochen „Evíga“ Stock dezuecho isch. Vorher hennds no ä Demokassete mit em Name "Mein Flügelschlag" ussebracht. Die frühe Dornenreich Albe, drunter au "Bitter ist's dem Tod zu dienen" und "Her von welken Nächten", sind zimli keyboardlastig gsih, wil de Thomas i dere Ziit s Keyboard gspiilt hett. Nach em "Hexenwind" Album hett de Thomas im Jahr 2006 bekanntgäh, dass er sich vo Dornenreich trennt um sich siim Soloprojekt "Eyas" zwidme. Im gliiche Jahr stönnd Dornenreich widr sitt langem uf de Bühni, mit em Thomas "Inve" Riesner als feschts Mitglid a de Giige. Vo det ah hätts au en zimliche Stilwächsel gäh, wo zimli prägend gsih isch für di hüttig Dorneriich Musig. S Album "In Luft Geritzt" isch 2008 ussecho und bestaht us Lieder, wo numme Gitarrä und Giige mit Gsangsuntermalig spiled. S Album "Flammentriebe" isch 2011 ussecho und söll härter sii.

Diskografii

Demoufnahmä

1997: Mein Flügelschlag

Albä

1997: Nicht um zu sterben
1999: Bitter ist’s dem Tod zu dienen
2001: Her von welken Nächten
2005: Hexenwind
2006: Durch den Traum
2008: In Luft geritzt
2011: Flammentriebe
2014: Freiheit

Livealbä

2009: Nachtreisen Live at Summerbreeze 2007 (Metal-Show) und Live at Wave-Gothictreffen 2007 (Acoustic-Show), Parallel zur DVD erschiinä

DVDs

2009: Nachtreisen Live at Summerbreeze 2007 (Metal-Show) und Live at Wave-Gothictreffen 2007 (Acoustic-Show)

Weblink

Commons: Dornenreich – Sammlig vo Multimediadateie