Elektronischi Daateveraarbäitig

Elektronischi Daateveraarbäitig (EDV) isch dr Sammelbegriff für d Erfassig und Beaarbäitig vo Daate dur elektronischi Maschine oder Kompiuter. Mäistens goot s drbii um eender äifachi Brozäss zum groossi Mängene vo mäistens äänlige Daate y veraarbäite. Attribut wie «elektronisch» or «automatisch» wärde mit em Begriff Daateveraarbäitig sit öbbe 1960 brucht, zum zwüsche dr Daateveräärbäitig z underschäide, wo vo Kompiuter im Geegesatz zu Mensche usgfüert wird.

Gschicht

Am 5. Oktober 1959 het IBM dr Dransistorrächner IBM 1401 vorgstellt, under dr Üüberschrift "electronic data processing", uf Dütsch Elektronischi Daateveraarbäitig, churz EDV. S Gräät isch as e Witerentwigglig vo dr Lochchartetechnik beschriibe worde. Gliichzitig het IBM dr Reportgenerator RPG uusebrocht, wo dr IBM 1401 mit dr dradizionelle Loochchartetechnik verbunde het.

D Vordäil vo dr nöije Technologii si gsii:

1. s Rächne, vor allem d Multiplikazioone und Diwisioone isch seer vil schnäller worde
2. D 1401 het zwar zum Miete dobblet sovil kostet wien e Tabelliermaschine, iire Meerwärt isch aber seer vil gröösser gsi und d Maschiine isch bis am 8. Februar 1971, wo d Brodukzioon iigstellt worde isch, über 12'000 Mol verchauft worde.
3. bis hüte verwände Banke und Versicherigsgsellschafte mänggisch no Löösige, wo vom RPG stamme

Weblingg

 Commons: Elektronischi Daateveraarbäitig – Sammlig vo Multimediadateie

• Sascha Kersken: Kompendium der Informationstechnik. EDV-Grundlagen, Programmierung, Mediengestaltung. Galileo Press, Bonn 2005, ISBN 3-89842-668-8.
• Funktionsfähige frühe Lochkarten-EDV im Museum
• Von Hollerith zu IBM – Die Geschichte der kommerziellen Datenverarbeitung
• IBM-Lochkartensysteme
• Heise-Newsticker: Heinz Nixdorf Museumsforum zeigt Hollerithmaschine
• Thomas Watson Jr.: Von der Tabelliermaschine zu IBMs System/360.
• Abkürzungen aus der EDV, IT und Technik

Fuessnoote

Dä Artikel basiert uff ere fräie Übersetzig vum Artikel „Elektronische_Datenverarbeitung“ vu de dütsche Wikipedia. E Liste vu de Autore un Versione isch do z finde.