Un chien andalou
Un chien andalou (uf Dütsch Ein andalusischer Hund) isch e Film vom Luis Buñuel und Salvador Dalí, wo zum erste Mol 1929 z Bariis vorgfüert worden isch. Er gältet as Mäisterwärk vom surrealistische Film.
| Filmdate | |
|---|---|
| Dütsche Titel | Ein andalusischer Hund |
| Originaltitel | Un chien andalou |
| Produktionsland | Frankriich |
| Originalsprooch | Franzöösisch |
| Erschiinigsjoor | 1929 |
| Lengi | öbbe 16 Minute |
| Altersfreigoob | FSK 16 (Prüfung 2010)[1] |
| Stab | |
| Regie | Luis Buñuel |
| Dräibuech | Salvador Dalí Luis Buñuel |
| Produktion | Luis Buñuel |
| Kamera | Albert Duverger |
| Schnitt | Luis Buñuel |
| Bsetzig | |
| |
Inhalt ändere
Der Film bestoot us surrealistische Bilder und Szenene, wo anenander gräit si. Dr Brolog zäigt e Maa, wo e Rasiermässer schlifft, denn e Wulke, wo vor em Vollmond vorbiiziet. Dr Maa schniidet ere Frau, wo vor im sitzt, mit em Rasiermässer dur s Aug.
D Szeene si dur käi Handlig verbunde, au wenn si die gliiche Persone zäige. Si si dur Zwüscheditel (Acht Joor spööter, Gege drei am Morge früe, Vor sächzää Joor, Im Früelig) grob vonenander drennt. Bekannti Schots si d Brüst von ere Frau, wo sich under de Händ vom Maa in iir Hindere verwandle, e Hand, wo in dr Düüre iiklemmt isch, mit eme Loch, wo Amäise drus uuse chrieche und dr Maa, wo verschidnigi Sache an zwäi Säili hinder sich härziet: drunder zwäi Konzärtflüügel, wo s in jeedem e Kadaaver vom ene Eesel het, und zwäi Brüeder vo dr Armeschuel (Seminariste).
Litratuur ändere
- Luis Buñuel: Mein letzter Seufzer. Erinnerige. Us em Franzöösische vo dr Frieda Grafe und em Enno Patalas. ISBN 3-89581-112-2
Dr Buñuel het nume en äinzige Abdruck vom Szenario in dr Zitschrift La Révolution surréaliste vom Dezämber 1929 autorisiert. E dütschi Übersetzig und Bilder us em Film si in:
- Salvador Dalí: Retrospektive 1920 - 1980. Prestel, München 1980, ISBN 3-7913-0494-1
Weblingg ändere
- Ein andalusischer Hund E Website zum Film (franz. / span.)
- Ein andalusischer Hund in dr Internet Movie Database
- Retro-Park – En usfüerligs Kapitel über e Film im "Dokument des Grauens", vo dr Site 389 aa
- Videoartworld: The Masters Series. Selected Movies from Bunuel. Public Domain Movies Online
- Kritik in dr filmzentrale
- Bilder us em Film
- Ein andalusischer Hund (3sat-Site mit witere Lingg) (Site cha nüme abgrüeft wärde; Suche im Webarchiv)
- Dr ganz Film mit dütsche Underditel