S Äifamiliehuus Calini
Koordinate: 47° 33′ 37,1″ N, 7° 36′ 4,1″ O; CH1903: 612231 / 267746
| Dialäkt: Baseldütsch |
S Calini-Huus befindet sich an dr Wettstäiallee 42 im Chläibaasel. Es isch äins vo de Baasler Kulturgüeter, wo für d Region vo Bedütig si.
S Huus isch 1912/13 vom Richard Calini (1888–1943)[1] baut worde, wo sit 1910 mit em Alfred Widmer und em Emanuel Erlacher z Baasel en Archidekturbüro gha het.[2]. Es het zwäi Stöck und e Walmdach mit Mansarde und isch im Heimetstiil baut. Bsundrigs fallen uf d Lisene oder Pilaster an de Huusegge. Über em Hauptiigang het s e gröössers Ornamänt und nääbedraa en Erker mit drei Fänster.