Elbphilharmonii

D Elbphilharmonii («Elphi») isch e Konzerthalle in Hamburg, wo vo 2007 bis 2016 baut worre isch. Entworfe worre isch de 110 Meder hohe Bau, wo an e Welle oder e Isberg erinnere soll, vu de Basler Architekte Herzog & de Meuron. D Elbphilharmonii liägt im Schtadtteil HafenCity, wo in de vergangene Jahre ganz neu baut worre isch. Es het in Hamburg um d Elbphilharmonii über viili Johre Streit gä, weil d Koschde mit 789 Millione Euro ziimlig hoch usfalle. De Termin für d Eröffnung het sich au immer wiider verschobe. Ursprünglig isch mol 2010 plant gsi.

D Elbphilharmonii im Mai 2016

D Plaza, e Ussichtsplattform in 37 Meter Höche, isch am 4. November 2016 eröffnet worre un het scho am erschte Wocheend 26.000 und in de erschte vier Monet e Million Besucher aazoge. Mit eme Konzert vom NDR Elbphilharmonie Orchester im große Saal für 2100 Persone isch d Elbphilharmonii am 11. Januar 2017 eröffnet worre. De Dirigent vom Ensemble isch de Thomas Hengelbrock.

Nebe de Nutzig als Konzerthalle und Ussichtspunkt gits i de Elbphilharmonie au es Hotel, es Parkhaus und Wohnige.

Weblink

 Commons: Elbphilharmonie – Sammlig vo Multimediadateie

• Offizielli Webpräsenz vo de Elbphilharmonii Hamburg und vo de Elbphilharmonii Konzärt
• Stiftig Elbphilharmonii