Elektroonemikroskoop

En Elektroonemikroskoop isch e Mikroskoop, wo s Innere oder d Oberflechi vom ene Objekt mit Elektroone duet abbilde. Wie bi klassische Liechtmikroskoop hängt d Vergröösserig au doo vo dr Wällelengi ab, wo mä brucht. Wil schnälli Elektroone Materiewälle mit ere Wällelengi häi, wo seer vil chürzer isch as die vom sichbaare Liecht, isch d Vergröösserig (d Uflöösig) vom en Elektronemikroskoop seer vil gröösser (zur Zit öbbe 0,1 nm) im Vergliich zun ere Uflöösig vo öbbe 200 nm mit eme Liechtmikroskoop. Abbildigsfääler setze em Elektroonemikroskoop sini Gränze und von ere theoretische Uflöösig vo öbbe 0,0037 nm bin ere Elektrooneenergii vo 100 keV isch mä no wit äwägg.

Dransmissioonselektroonemikroskoop (TEM) (2005)

Es git verschidnigi Tüpe vo Elektroonemikroskoop, wo sich underschäide din, wie si e Bild vom ene Objekt erzüüge:

  • Bi Dransmissionselektroonemikroskoop wärde elektrooneoptischi Linse iigsetzt, wo mit magnetische oder elektrische Fälder d Baan vo de Elektroone ablänke, äänlig wie wie s bim Liecht bassiert, wenn s dur e liechtoptischi Sammellinse goot.
  • Sekundärelektroonemikroskop mache iiri Bilder äänlig wie konfokali Liechtmikroskoope.

LiddratuurBearbeite

  • Stanley L. Flegler, John W. Heckman jr., Karen L. Klomparens: Elektronenmikroskopie: Grundlagen, Methoden, Anwendungen. Spektrum, Heidelberg/Berlin/Oxford 1995, ISBN 3-86025-341-7.
  • Ludwig Reimer, Gerhard Pfefferkorn: Raster-Elektronenmikroskopie. 2. Uflag. Springer, Berlin 1999, ISBN 3-540-08154-2.
  • David B. Williams and C. Barry Carter: Transmission Electron Microscopy. A Textbook for Material Sciences. Plenum Press, New York/London 1996, ISBN 0-306-45247-2.

WeblinggBearbeite

  Commons: Electron microscopes – Sammlig vo Multimediadateie

FuessnooteBearbeite


  Dä Artikel basiert uff ere fräie Übersetzig vum Artikel „Elektronenmikroskop“ vu de dütsche Wikipedia. E Liste vu de Autore un Versione isch do z finde.