D Elisabeth Ackermann (* 18. Juni 1963 z Däärwil) isch e Schwiizer Politikerin z Basel.

Si chunt vo Däärwil und isch au dört ufgwachse. Si het zerscht d Wirtschaft studiert und isch derno a d Basler Musighochschuel ggange. Denn het si als Gitarelehrerin gschaffet. Si isch ghüroote und het zwöi Chind.

Scho as chly het si sech für politischi Sache inträssiert, und si het i der Anti-AKW-Beweegig mitgmacht. Si het ghulfe z Basel d Partei GAP ggründe; das isch di Grüen Alternatyv Partei gsi, wo spöter druus die Grüeni Partei vo Basel-Stadt worden isch. Für die Grüene isch si Inspäktoorin vo de d Chlyklasse z Basel und Schuelröötin vom Gymnasium am Münschterplatz gsi. 2006 het se s Basler Stimmvolk in Basler Grossroot gwählt. Ane 2015 isch si d Presidäntin vom Groossroot gsi.

Am 23. Oktober 2016 händ se d Basler i d Kantonsregierig gwählt, und derzue ane au grad no is Ampt vom Regierigspräsidium.

Weblink ändere