Elizabeth Cook (1741–1835)
D Elizabeth Cook (* 4. Februar 1741 z Wapping, London; † 13. Mai 1835 z Clapham, West Sussex; geboreni Batts) isch d Frau vom britische Seefaarer und Entdecker James Cook gsi.
Biografii
ändereD Elizabeth isch d Dochder vom Samuel und dr Mary Batts gsi, wo am Execution Dock z Wapping e Bäiz ghaa häi. Dr Vater isch bald noch dr Geburt vo dr Elizabeth gstorbe. Iiri Mueter het im Juli 1745 z Shadwell wider ghürootet. D Elizabeth isch vo denn aa bin ere befründete Quäkerfamilie z Ilford ufgwaggse.
D Elizabeth het dr James Cook am 21. Dezämber 1762 in dr St. Margaret's Church z Barking, Essex, ghürootet, wo dä grad vo sinere zwäite Räis zruggchoo isch.[2] Si häi zämme säggs Chinder ghaa:
- James Cook (* 13. Oktober 1763; † 1794)
- Nathaniel Cook (* 14. Dezämber 1764; † 1781)
- Elizabeth Cook (* 1767; † 1771)
- Joseph Cook (* 26. August 1768; † 1768)
- George Cook (* 8. Juli 1772; † 1772)
- Hugh Cook (* 23. Mai 1776; † 1793)
Dr Cook isch am 14. Februar 1779 in der Bucht vo Kealakekua uf Hawaiʻi umbrocht worde[3] und d Elizabeth Cook het vo dr Admiralidäät e Bansion vo 200 Pfund im Joor überchoo. 1788 isch si uf Clapham in Sussex züüglet und isch dört am 13. Mai 1835 im Alter von 94 gstorbe. D Elizabeth Cook isch näbe iire Söön James und Hugh in dr St. Andrew The Great Church z Cambridge begraabe worde.
Roman
ändereDr historisch Roman Letzte Reise vo dr Anna Enquist handlet vor allem vom Lääbe vo dr Elizabeth Cook.
Litratuur
ändere- Marele Day: Mrs Cook: The Real and Imagined Life of the Captain's Wife. Allen & Unwin, 2003, ISBN 1865088021.
- John Dunmore: Mrs Cook's Book of Recipes: For Mariners in Distant Seas. Exisle Publishing Pty Limited, 2006.
- Herbert Hope Lockwood: Captain Cook and a voyage of discovery around Ilford. In: Ilford and District Historical Society's newsletter. Nummer 39, 1994.
- Shirley Sinclair: Elizabeth Cook: the Captain's wife, 1741–1835. Maritime Heritage Press, ISBN 978-1876059019.
- Famous 18th century people in Barking and Dagenham: James Cook and Dick Turpin. London Borough of Barking and Dagenham Local Studies Information Sheet No. 22 PDF (Site cha nüme abgrüeft wärde; Suche im Webarchiv) .
Fuessnoote
ändere- ↑ State Library – New South Wales
- ↑ Archive Photograph Galleries
- ↑ vgl. 14. Februar 1779 in Paul Capper: The Third Voyage (1776–1780)
Weblingg
ändere- A Yorkshireman's tribute to Captain James Cook, R.N.
- Elizabeth Cook (1741–1835) in dr Datebank vu Find a Grave
- The Origins of Elizabeth Cook
|
Dä Artikel basiert uff ere fräie Übersetzig vum Artikel „Elizabeth Cook (1741–1835)“ vu de dütsche Wikipedia. E Liste vu de Autore un Versione isch Cook (1741–1835)&action=history do z finde. |