Encyclopædia Universalis

D’ Encyclopædia Universalis (làtiinisch [enkyklopae̯ˈdiːa uːniu̯erˈsaːlis]; frànzeesch [ɑ̃siklɔpedja ynivɛʁsalis]) ìsch a àllsittig Läxikon uff Frànzeesch, wo vum Verlààg Société d’édition Encyclopædia Universalis S.A. veräffentligt wìrd. Sa ìsch ànna 1966 vum Club français du livre un vu dr Encyclopædia Britannica Inc. grìnda worra. S’ Läxikon wìrd vun äbba 7.000 Àuitoora gschrììwa un zeehlt dàdoo äbba 30.000 Àrtìkel ìn 28 Bander, mìt äbba 32.000 Sitta. D’ Üssgaawer lüaga d’ Encyclopædia Universalis ìn dr Tràdizioon vum enzüklopäädischa Schàffa vum Denis Diderot un vum Jean-Baptiste le Rond d’Alembert àà.

S’ Logo vu dr Encyclopædia Universalis

Dialäkt: Mìlhüüserdiitsch

a Schafftla mìt dr Encyclopædia Universalis dunta

d’ joohrliga Ärgänzungsbander vu dr Encyclopædia Universalis

Mìt’m Projakt hàt dr Claude Grégory ànna 1964 ààgfànga. D’ äärschta-n-Üssgààb ìsch vu 1968 bis 1975 ìn 20 Band ärschììna, un ànna 1980 un 1985 sìnn zwai wittera Bander ärschììna. Zwai wittera Üssgaab sìnn ìn da 1980er Joohra veräffentligt worra: d’ Zwaita vu 1984 un 1985 mìt’m Umfàng vu 22 Bander un ema Ärgänzgungsbànd (1990), so wia d’ Drìtta vu 1988 bis 1989 ìn 24 Bander un ema Ärgänzungsbànd (1996). Ìm drìtta-n-Üssgààb ìsch zem äärschta Mol dräi Indexbander gsìì. Ànna 1995 ìsch a viarta-n-Üssgààb ärschììna mìt 28 Bander — viar d’rvuu sìnn Indexbander— un zwai Ärgänzungsbander ìm Joohr 1999. D’ fìmfta-n-Üssgaab ìsch ànna 2002 veräffentligt worra mìt 28 Bander, drunter viar Indexbander. Dia fìmfta-n-Üssgààb ìsch ànna 2006 nochamol gedruckt worra. Üsserdam sìnn Multimedia-Üssgaab uff DVD so wia-n-a Üssgaab fìr Kìnder un Jìnglìnga mìt 10 Bander, wo Universalis Junior haisst.

Àm Andsjoohr 2014 ìsch d’ Gsällschàft Encyclopædia Universalis S.A. ìn a Verfààhra fìr Zààhlungsunfähigkait gsìì.

Lìteràtüür

• History of encyclopaedias. In: Encyclopædia Britannica. Encyclopædia Britannica, Inc. (britisches Englisch, britannica.com [abgerufen am 18. Oktober 2023]). 

Weblìnks

 Commons: Encyclopædia Universalis – Sammlig vo Multimediadateie

• d’ offiziälla Websitta vun Encyclopædia Universalis (frànzeesch)
• d’ offiziälla Websitta vum Verlààg Encyclopædia Universalis (frànzeesch)

Dä Artikel basiert uff ere fräie Übersetzig vu dere Version vum Artikel „Encyclopædia_Universalis“ vu de hochdütsche Wikipedia. E Liste vu de Autore un Versione isch do z finde.

Dä Artikel basiert uff ere fräie Übersetzig vu dere Version vum Artikel „Encyclopædia_Universalis“ vu de französische Wikipedia. E Liste vu de Autore un Versione isch do z finde.