Ep2

en Spezifikationsstandard für d Abwicklig und de Ufbau vo EFT-Zahlige im bargeldlose Zahligsverkehr

eft/pos 2000 churz ep2, isch de Spezifikationsstandard für d'Abwicklig und de Ufbau vo EFT-Zahlige im bargeldlose Zahligsverkehr. ep2 stellt debi sicher, dass für alli Karteinhaber im Schwiizer Märt en einheitliche, moderne Kommunikationsstandard gschaffe und ihghalte wird. Jede Hersteller vo EFT/POS-Terminals muess sich anere EP2-Zertifizierig unterzieh, wenn er im Schwiizer Märt mit schwiizspeziefische ep2-Karte und Karteverarbeiter schaffe möcht. Unter anderem ghöret d'PostFinance-Charte, Reka-Charte, SBB-Charte, Gschenkcharte allgemein, Lunch-Check-Charte und Chundebindigs-Charte sowie mobile Payment-Zahlige. Wer ide Schwiiz es EFT/POS-Terminal nach Schwiizer Standard betriebe möcht, muess es bi de ep2-Zertifizierigsstell abnehlah.

eft/pos 2000
(ep2)
Logo
Zwäck: Die schwiizwiti Etablierig vo emene Standard für Debit-/Kreditchartezahlige. Im Spezielle söll dur d'Vereinheitlichig vode Aforderige a die vom Schwiizer Handel betriebenen Terminals en freie und kompetitive Märt gförderet werde.
Vorsitz: Angela Malina, Corner Bank AG[1]
Gründigsdatum: 12.04.2007
Mitgliiderzaal: 18
Mitarbäiterzaal: 2
Sitz: Wil SG
Website: www.ep2.ch

Mit ep2 isch e wiitgehendi Vereinheitlichig vom EFT/POS-System ide Schwiiz unter Berücksichtigung vo allne internationale Norme (EMV, PCI, ISO und Card Schemes) erreicht worde. Es handlet sich debii um es Konzept, wo SEPA- und PCI-DSS kompatibel isch und au im europäische Ruum breiti Anerchennig findet.

Geschichte ändere

Im Februar 1996 hend d'PostFinance, d'Telekurs und de Verband Elektronische Zahlungsverchehr (VEZ) de Grundstei für d'Zämearbet bi de Entwicklig vode Systemgeneration ep2 gleit. S'Projekt ep2 het die zuekünftigi EFT/POS-Infrastruktur für d'Schwiiz definiert. S'Ziel debii isch gsi, e Standardisierig für Chartezahlige z'erreiche ischlüsslich vo allne Verfahre, Funktione und Schnittstelle basierend uf de bestehende internationale Standards. D'ep2-Partner hend vo 1998 bis 2002 e umfassendi Spezifikation entwicklet, wo jährlich verbesseret und wiiterentwicklet wird. Hüt bestönd über 90% vo de ganze Terminalpopulation i de Schwiiz us ep2-Grät.

Die wichtigste Meilestei und Phase vom ep2 Standard:

  • Erstellig ep2 Hauptstudie und Festlegig vode Kooperation vo 1996 bis 1998
  • Detailkonzeptphase vo 1998–2000
  • Projektphase (Spezifikation V.1.0.0, Umsetzig und Pilotierig) vo 2000 bis 2003
  • Betriebsphase ab em Juni 2003 bis hüt – beinhaltet 20 Versione / Releases vo V.2.0.1 bis zu V.8.1.0 (siehe ep2 Lebenszyklus)
  • Am 12. April 2007 isch de Verband Technical Cooperation ep2 (TeCo ep2) gründet worde, damit het die erfolgrichi Zämearbet sini adequat Rechtsform übercho

Internationale Verbreitig vo ep2 ändere

 
Weltwiiti Verbreitig vom ep2 Standard

De ep2 Standard wird v. a. vo de Firma Worldline international i witere 36 Länder gnutzt. Die folgendi Charte zeigt die weltwiiti Verbreitig vo ep2. Ide rot markierte Länder werded hüt Debit-/Kreditchartezahlige am POS über de ep2 Standard abgwicklet.

  1. About. ep2, abgruefen am 7. April 2023 (änglisch).