Dialäkt: Bärndütsch

Dr Eragon isch d Houptfigur vo de Eragon Büecher vom Christopher Paolini, ämnä amerikanische Schriftschteuer. Die Büecher gits uf Hochdütsch bim cbj Verlag.

ERAGON Christopher Paolini

Zämmefassig vo de erste zwei Büecher ändere

Das Vermächtnis der Drachenreiter ändere

Der Eragon läbt mit sim Onku Garrow und däm si Sohn Roran am Rand vom Dörfli Carvahall, das ligt ds Alagaësia. Eines Tages, wo dr Eragon wider einisch uf der Jagt im Buckel, ämnä Gebirgszug, isch, erschiint plötzlech mit emne Knau e schöne, glänzende Schtei vor im. Wüetend, wiu vom Knau aues Wiud wäggrent isch, nimmt dr Eragon dä Schtei mit itz Dorf, vilech chaner dä ja gägä Gäut tusche. Doch d Händler im Dorf hei no nie so öppis gse. Miz ir Nacht schlüpft de us däm Schtei ä blaue Drache. Wone dr Eragon berüert, fangt sini Handflächi merkwürdig afa z lüchte, es isch d Gedwëy Ignasia, di siubrigi Hand, wo se zu Drache und Riter macht. Är nennt se Saphira. Früecher si Dracheriter zueschtändig für Rächt und Ordnig gsi, aber die Zite si längscht verbi. Aus nöi Dracheriter bedrohe si itze dr Galbatorix, säuber Dracheriter, dr grausam Herrscher vo Alagaësia. Dä isch nume at Macht cho, wiu er aui andere Dracheriter umbracht het. Eines Tages touche d Ra`zac, grausami Scherge vom Chünig, z Carvahall uf und schteue Frage nach em Dracheei. Si töte dr Garrow, dr Eragon und dr Roran chöme mit em Läbe dervo. Dr Eragon beschliesst de Ra`zac z fouge und si Onku z räche. Dr Brom, ä Gschichteverzeuer, chunt äbefaus mit. Är lernt ne ungerwägs viu übere Schwärtkampf und über Magie. So faat es ungloublechs Abetüür aa...

Der Auftrag des Ältesten ändere

Im zwöite Teil geit dr Eragon mit dr Saphira, em Orik und dr Arya nach Du Weldenvarden, äm Verschteck vo de Elfe, um sini Usbiudig aus Dracheriter z beände. D Zyt drängt, die Mächtige vo Alagaësia ringe um jede Meter...

Charakter ändere

Eragon ändere

Dr Eragon isch d Houptperson vor Gschicht. Är isch 15 Jahr aut, und läbt mit sim Onku Garrow und sim Cusä Roran am Rand vo Carvahall, bis si Onku vo Scherge vom Chünig umbracht wird. Är wot sech räche und nimmt mit em Brom und dr Saphira d Spure vo de Scherge uuf...

Saphira ändere

D Saphira isch ä Drachedame und am Eragon sini Fründin und Begleiterin. Si isch am Eragon immer Tröi ergäbe und würd ne nie im Schtich la. Si isch d Tochter vor Vervada.

Brom ändere

Dr Brom isch aus Gschichteverzeuer us Carvahall cho. Är het dr Eragon verwütscht, win er het weue d Ra`zac verfouge und het druf Beschtande, mitzchoo. Är schänkt am Eragon z Schwärt Zar`roc und lert ne viu über d Magie und de Schwärtkampf. Dr Brom entschtammt är nä Buechmalerfamilie vo Kuasta, das isch äs chlises Dörfli mit sonderbare Brüüch und aberglöibische Vorschteuige. Si Vatter het Holcomb und sini Muetter Nelda gheisse. Später het er im Kampf drü Abtrünnigi Dracheriter, drunger dr Morzan, tötet. Är isch Früächer ou ä Drachäritter gsi und het dä Vardä ghulfä es Drachenei z stälä, das vor Saphira.

Galbatorix ändere

Dr Galbatorix isch dr grausam Herrscher vo Alagaësia. Wo si erscht Drache vo Urgals tötet worde isch, het er de andere Riter d Schuud gää und het ä Autvordere tötet. Är het sech Jahrelang vo de andere Dracheriter verschteckt, biss ine nümme hei Gsuecht. Per Zuefau hett er dr Dracheriter Morzan troffe, won er het chönne für sich überzüge. Mit däm sire Hiuf heisi dr schwarz Drache Shruikan gstole und si ane Ort gflohe, wo sech die andere Drache nid häre gwagt hei. Dr Galbatorix het am Morzan verboteni Magie bibracht. Woner d Usbiudig fertig und si Drache usgwachse isch gsi, heisi sech dr Öffentlechkeit zeigt und hei jede Dracheriter tötet, wone isch begägnet. 13 Riter hei sech am Galbatorix aagschlosse. Die andere Dracheriter si am Aaschturm nid gwachse gsi. Siter dr Aafüerer vo de Riter, dr Vrael, enthouptet het, isch er ar Macht.

Orik ändere

Dr Orik isch e Zwärg, und Adobtivsuun vom Hrothgar, äm Zwärgechünig, wiu sini Eutere a Pockefieber si gschtorbe. Är ghört zum Clan vo de Dûrgrimst Ingietum und isch dr Zwärgefrou Hvedra verschproche. Är isch eine vo de Fründe vom Eragon und begleitet ne zäme mit de Arya zu de Elfe.

Oromis ändere

Dr Oromis isch am Eragon si Lehrer z Du Weldenvarden. Är isch ir Elfestadt Luthivíra gebore, am Ufer vom Tüdosten. Mit 20 hei si ne zu de Dracheeier gfüert, und dr Glaedr het ne gwäut und isch gschlüpft. Später isch er Lehrer z Ilirea, bis dr Galbatorix aues kabutt gmacht het. Zäme mit em Gleader duet er dr Eragon i aune mügleche Bereiche usbiude.

Schtiuu ändere

Das Buech isch es tüpischs Fantasy-Buech mit Ritter, Drache, Magie u. a. Zuäsätzlich sind nu äs par ander Velker wo schusch sältä ir Fantasy-Literatuir vor chemid erfunde wordä. Zum Biispill Urgals oder d Ra’zac.

Der Auftrag des Ältesten, Site 660: Das finstere Meer wogte unter der Drachenschwinge auf und ab und trug das Schiff zum nächsten schäumenden Wellenkamm empor. Dort verharrte es einen Moment lang schaukelnd, um anschliessend wieder in den dahinter liegenden Meeresschlund hinabzustürzen. Weisse Gischtwolken sprühten durch die Luft, während der Wind stöhnte und heulte wie ein gespenstisches Ungeheuer.

Dr Christopher Paolini versuecht immer wider, d Umgäbig am Läser gnauschtens z vermittle. Auerdings erkennt dr Herr vo de Ringe -kenner einigi Sache wider, wie zischendi, brutali Urgals oder dr gheimnissvou aut Brom mit vorliebi fürs Rouchringe mache.

Wenns scho mit Herr vo de Ringe vergliche wirt, söt me säge, dass sech dr Schtiuu völlig vom däm vom Tolkien ungerscheidet. Eragon isch a einige schteue mit erne "flache" Sprach gschribe, was vilicht dra ligt, dass der Autor ersch 15 isch gsi, won er het aagfange.

Buech drü und vier ändere

Ds dritte Buech isch am 20. September 2008 uf Englisch erschine, di dütsch Übersetzig am 25. Oktober 2008 usecho.[1] Der viert und letscht Teil isch am 8. November 2011 uf Englisch und am 19. November 2011 uf Dütsch erschine.[2]

Fium ändere

20th Century Fox het dr erscht Band vom Eragon verfiumt. Är isch am 14. Dezember 2006 in d Kinos cho. Dräiort isch Ungarn gsi.

Autor ändere

Am Christopher Paolini (* 17. Novämber 1983) sini Liideschaft für Fantasy und Science Fiction hei ne für Eragon – Das Vermächtnis der Drachenreiter inschpiriert, woner mit 15 gschribe het. Är isch deheim vo sire Muetter ungerrichtet worde.

Medie ändere

Büecher ändere

  • Eragon, Hardcover-Ausgabe, Englisch: Knopf – ISBN 0-375-82668-8
  • Eldest, Hardcover-Ausgabe, Englisch: Knopf – ISBN 037583670
  • Brisingr, Hardcover-Ausgabe, Englisch: Knopf – ISBN 0-385-60791-1
  • Eragon – Das Vermächtnis der Drachenreiter – Hardcover-Ausgabe: cbj – ISBN 3-570-12803-2
  • Eragon – Der Auftrag des Ältesten – Hardcover-Ausgabe: cbj – ISBN 3-570-12804-0
  • Eragon – Das Vermächtnis der Drachenreiter – TB-Ausgabe blanvalet – ISBN 3-442-36291-1
  • Eragon – Die Weisheit des Feuers – Hardcover-Ausgabe: cbj – ISBN 3-570-12805-9

Hörbüecher ändere

  • Eragon – MC-Ausgabe, Englisch: Random House – ISBN 0-8072-1962-2
  • Eldest – MC-Ausgabe, Englisch: Random House – ISBN 1-4000-9862-9
  • Eragon – 8-CD-Uusgab, Englisch: Random House – ISBN 1-85686-831-1
  • Eragon – Das Vermächtnis der Drachenreiter, 17-CD-Uusgab, Dütsch: Random House Audio – ISBN 3-86604-015-6
  • Eragon – Das Vermächtnis der Drachenreiter, 3-MP3-CD-Uusgab
  • Eragon – Der Auftrag des Ältesten, 22-CD-Uusgab, Dütsch: Random House Audio – ISBN 3-86604-109-8
  • Eragon – Der Auftrag des Ältesten, 4-MP3-CD-Ausgabe
  • Eragon – Die Weisheit des Feuers, 24-CD-Uusgab, Dütsch: Random House Audio – ISBN 3-86604-361-9
  • Eragon – Die Weisheit des Feuers, 4-MP3-CD-Uusgab, Dütsch: Random House Audio – ISBN 3-86604-944-7

Weblink ändere

Fuessnoote ändere

  1. randomhouse.de Offizieui dütschi Verlagssite zu Eragon
  2. randomhouse.de