D Ergotherapii (griachisch: ἔργον, érgon, „Werk“, „Arbat“ und θεραπεία, therapeía, „Dianscht“, „Behandlig“) isch a ärztlich vrordnate Therapiiform, wo sich mit dr Usführig vo konkreta Betätigunga und dera Uswürkiga uf da Mensch und sine Umwelt befasst. Beeinträchtigunga würan durch an gezilta Einsatz vo individuella und sinnvolla Tätigkeita behandlat. An großa Stellawert het dabei d persönliche und sozio-kulturelle Bedütig vu Tätigkeit. O d Uswürkig uf d Gsundheit und d Wechselwürkig mit dr Umwelt sen wichtige Thema dera sich d Ergotherapeuta stellaan.

D Ergotherapii unterteilt Betätigung in verschiedene Bereiche. Des sen zum oana Tätigkeita us m Bereich vo dr Selbstvrsorgig (z. B. essa, sich azüha,...), vo dr Freizeit (z. B. spiila, Lüt treffa, baschtla,...) und vo dr Produktivität (z. B. an Ufsatz schriiba, Feschtra putza,...)