Erlüüchtig

Erlüüchtig isch en religöse-spirituelle Begriff vonere Erfaarig wo s Bewusstsii vomene Mensch inere ussergwönlich starche Art und Form erwiteret werd und zu bsundrige Iisichte füert, wo em absolute Woore nöch chunnt. De Erlüchteti erlangt doduur en anderi Sicht vode Welt und vode Mensche (und vom Göttliche) und dodur au bsundrigi Fähigkaite.

D Aasichte, wa genau Erlüüchtig isch, isch i de verschidene Kulture und Religione ähnlich, doch gits au gwüssi Unterschiid. Im Weste werd Erlüchtig traditionell durchwegs als mystischi Erfaarig betrachtet, andersits werd de Begriff dur die moderni westlichi Esoterik abgwertet, well denn halt jede und jedi erlüüchtet sii will (wenn au nur e bitzeli).