Ethnarch

Ethnarch (Griechisch: ἐθνάρχης) isch e Herscherditel im östlige Middelmeerruum gsi. Dr Begriff chunnt vo de griechische Wörter ethnós = Volk und archós = Fürst, zämmegsetzt häisst also s Volksfürst.

In dr Antike

E Volksfürst isch denn im Rang nooch so öbbis wie e middelalterlige Groossherzog gsi. Under de Seleukide isch dr Simon dr Makkabäer eso bezäichnet worde. Dr bekanntist Ethnarch in dr Antike isch dr Herodes Archelaos gsi, dr Soon vom Köönig Herodes em Groosse und Ethnarch vo Judäa um d Zitewändi.

Im Büzantinische Riich

Im Middelbüzantinische Riich vom 10. und 11. Joorhundert si hochrangigi Offizier, wo Kontingänt vo usländische Söldner kommandiert häi, in Rang vom ene Ethnarch erhoobe worde.

Im Osmanische Riich

Im Osmanische Riich si d Ethnarche d Füerer vo de Millet gsi, de religiööse Minderhäite, wo sich sälber verwaltet häi.

Fuessnoote

Dä Artikel basiert uff ere fräie Übersetzig vum Artikel „Ethnarch“ vu de dütsche Wikipedia. E Liste vu de Autore un Versione isch do z finde.