Excavata

Trichomonas vaginalis

Systematik
Klassifikation: Läbewäse
Domäne: Eukaryote (Eukaryota)
ohne Rang: Excavata
Wüsseschaftlige Name
Excavata
Cavalier-Smith, 2002, emend. Simpson, 2003

D Excavata sin e Gruppe vu Läbewäse, wu zue dr Eukaryote (Läbewäse mit Zällchärn) gstellt wäre. D Syschtematik vu dr Eukaryote vu Adl et al. 2005 fiert d Excavata as aini vu dr sechs Taxa vu däre Domäne. Zue ihne ghere uusschließlig aizälligi Organisme, wu uusnahmslos Gaißle drage. Bi dr Euglenozoa git s Forme mit Chloroplaschte, wu Photosynthes chenne dryybe.

Merkmol ändere

Dr Name hän d Excavata vu ihrem typisch gformte Zällmuul (Cytostom) mit ere uusbregte Muulgrueb („excavate“ Typ), wu s bi dr maischen Arte git. D Muulgrueb wird vu dr maischten Arte gnutzt go Nahrigspartikel yyzfangen un per Phagozytos in d Zällen ufznee.

D Euglenozoa hän im Stammartmuschter Chloroplaschten chenne dodermit as ainzigi Gruppe in dr Excavata Photosynthes mache. D Chloroplaschte sin aber bin ere Zylede vu Taxa mit ere parasitäre Läbeswyys wider reduziert.

Syschtematik ändere

 
Trypanosoma brucei, dr Erreger vu dr Afrikanische Schlofchranket, isch e Byschpel fir d Euglenozoa

Adl u. a. glidere d Excavata in sibe Gruppen ohni klassischi Rangstapfle.

Vunenander unabhängigi molekulargenetischi Untersuechige hän anne 2008 belait, ass d Gattig Stephanopog, wu lang as uusicher Taxon bi dr Eukaryote gfiert woren isch, s Schweschtertaxon vu dr Gattig Percolomon isch (bi Adl no Vahlkampfiidae). D Gruppe, wu us däne bode Gattige bildet wird, isch s Schweschtertaxon vu dr Heterolobosea. No Cavalier-Smith stelle di bode Gruppe zämme as Percolozoa d Schweschtergruppe vu dr Euglenozoa.[1][2]

Literatur ändere

  • Sina M. Adl, Alastair G. B. Simpson, Mark A. Farmer, Robert A. Andersen, O. Roger Anderson, John A. Barta, Samual S. Bowser, Guy Bragerolle, Robert A. Fensome, Suzanne Fredericq, Timothy Y. James, Sergei Karpov, Paul Kugrens, John Krug, Christopher E. Lane, Louise A. Lewis, Jean Lodge, Denis H. Lynn, David G. Mann, Richard M. McCourt, Leonel Mendoza, Øjvind Moestrup, Sharon E. Mozley-Standridge, Thomas A. Nerad, Carol A. Shearer, Alexey V. Smirnov, Frederick W. Spiegel, Max F. J. R. Taylor: The New Higher Level Classification of Eukaryotes with Emphasis on the Taxonomy of Protists. The Journal of Eukaryotic Microbiology 52 (5), 2005; S. 399-451

Weblink ändere

  Commons: Excavata – Sammlig vo Multimediadateie

Fueßnote ändere

  1. Naoji Yubuki, Brian S. Leander: Ultrastructure and molecular phylogeny of Stephanopogon minuta: An enigmatic microeukaryote from marine interstitial environments, In: European Journal of Protistology 44, 2008, S. 241–253
  2. Thomas Cavalier-Smith, Sergey Nikolaev: The Zooflagellates Stephanopogon and Percolomonas are a Clade (Class Percolatea: Phylum Percolozoa) In: Journal of Eukaryotic Microbiology, 55(6), S. 501–509, 2008
  Dä Artikel basiert uff ere fräie Übersetzig vu dere Version vum Artikel „Excavata“ vu de dütsche Wikipedia. E Liste vu de Autore un Versione isch do z finde.