Fexerplatte

D Fexerplatte sind Stäiplatte us Glimmerschifer (Quarzphyllit) wo z hinderscht hine im Fextal (Engadin) abpout worde sind. Settig Platte hät mer pruucht zum Öfe z boue und für uf d Huustächer. Si sind nume en Santimeter tick gsi.

Gschicht

De Stäibruch i de Nööchi vo de Alp vo Sils isch 1964 stile gläit worde. S erscht Mal hät mer aber scho im 17. Jaarhundert Fexerplatte proche. D Knappe sind amigs im Winter us em Val Malenco (Provinz Sondrio, Italie) über d Bäärge inecho und händ ime Huus bim Stäibruch gwont. Später isch dänn ales vergheit.

Im Härbscht 2014 häd d Bürgergmäind vo Sils im Engadin/Segl e Stiftig gründet, wo d Überreschte vom Stäibruch vo de Fexerplatte rette söli. Im Härbscht 2017 isch di vorderi Hütte und im Summer 2019 di hinderi Hütte restauriert worde. Ma cha sich au vorstele, es chlises Erläbnismuseum iizrichte.

Literatur

• Flurin Camenisch: Val Fex: Ausblick in ein stilles Tal. Schweizer Heimatbücher, Verlag Paul Haupt, Bern 2001, ISBN 3-258-05909-8, S. 123–124.
• Töna Stupan u. a.: Segl in Engiadina. Kur- und Verkehrsverein, Sils i. E., 1984, S. 24–27.

Quelle

• mündlichi Agabe vom Othmar Lässer und vom Gian Kuhn

Website

• Website vo de Stiftig Cheva Plattas da Fex

Fuessnote

46.3949019.773955