Flugkataschtrophe vo Teneriffa
D Flugkataschtrophe vo Teneriffa vom 27. März 1977 isch (mit Uusnahm vom Terroraschlag ufs World Trade Center z New York am 11. Sept. 2001 won absichtlich herbiigfüehrte worden isch) die schwärschti Flugkataschtrophe, wo wältwiit jemals passiert isch. 607 Mensche sii bi dere Kollision vo zwöine Jumbo-Jets uff der Schtartbahn vom Flughafe vo dere spanische Ferieninsel ums Läbe choo.
| Flugkataschtrophe vo Teneriffa | |
|---|---|
 D KLM rasst i d Pan Am inne. E Grafik vom SafetyCard | |
| Unfall-Zusammenfassung | |
| Uufallart | Zämmestoss am Bode |
| Ort |  Flughafe Teneriffa "Los Rodeos"
|
| Datum | 27. März 1977 |
| Todesopfer | 583 |
| Verletzti | 61 |
| 1. Luftfahrzüüg | |
| Luftfahrzüügtyp | Boeing 747-121 |
| Betriiber | Pan American World Airways |
| Kännzeiche | N736PA |
| Flugnummere | PA1736 |
| Abflughafe |  Internationale Flughafe Los Angeles
|
| 1. Zwüschelandig | John F. Kennedy International Airport
|
| 2. Zwüschelandig | Flughafe Teneriffa "Los Rodeos" (Unplanmässig)
|
| Zilflughafe | Flughafe Gran Ganaria
|
| Passagier | 380 |
| Besatzig | 16 |
| Lüt, wo überläbt hän | 61 |
| 2. Luftfahrzüüg | |
| Luftfahrzüügtyp | Boeing 747-206B |
| Betriiber | KLM Royal Dutch Airlines |
| Kännzeiche | PH-BUF |
| Flugnummere | KL4805 |
| Abflughafe |  Flughafe Amsterdam Schiphol
|
| Zwüschelandig | Flughafe Teneriffa "Los Rodeos" (Unplanmässig)
|
| Zilflughafe | Flughafe Gran Ganaria
|
| Passagier | 234 |
| Besatzig | 14 |
| Lüt, wo überläbt hän | 0 |
Der Unfall ändere
Der Flughafe isch am Unglückstag wägen ere Bombedrohig hoffnigslos überlaschtet gsii, d Flugzüüg wo hei welle schtarte, hei sich regelrächt gschtaut, und d Verschpötige und Warteziite sind entschprächend gross gsii. Die beide Jumbos vo der holländische KLM und der Pan Am uus de USA sind denn grad nachenand a d Reihe choo zum Schtarte. Der KLM-Jumbo voruus isch denn bereit gschtande zum Schtarte, und der Pan Am isch uff ere Siite-Rollbahn, wo d Schtartbahn gchrüüzt hett, am Rolle gsii. Uffgrund vo Missverschtändnis bim Funkverchehr mit em Fluglotse im Kontrollturm (wo schlächt Englisch gredt hät), und wahrschiinlech au wirtschaftlechem Druck, isch der KLM-Pilot gschtartet, obwohl er nitt 100-prozäntig sicher gsii isch, dass er d Freigab derzue übercho hett. Er hett denn dr Pan Am-Jumbo, wo grad glichziitig d Schtartbahn chrüüzd hät, voll siitlich grammt - s Desaschter isch perfekt gsii.
Di einzigi KLM überläbendi ändere
| Dialäkt: Bärndütsch |
Der Fründ vo der KLM Passagieri het denn z Teneriffa gwohnt. Si het drum mehrmals d Flugbegleiter gfragt, öp si nid z Teneriffa chönn blybe. Die frag het nid nur die Passagieri gstellt. Es isch so gsi das es einigi Passagier an Bord vo der KLM gha het, wo uf Teneriffa hei welle. Si hei's für unsinnig gfunde, vo Teneriffa nach Gran Ganaria z flüüge um wider nach Teneriffa z cho. Doch d Flugbegleiter hei sowohl die einzigi überläbendi vo der KLM Maschine als ou di andere Passagier agwisse wider zrügg a Bord z gah. Doch d Frou, wo der Fründ z Teneriffa het gha, het der Flughafe eigemächtig verlah. Das eigemächtige Handle, het ihre schlussäntlech ds Läbe grettet.[1]
Literatur ändere
- Gondrom-Verlag (Hrsg.): Flugzeug-Katastrophen, 1996
Weblinks ändere
Commons: Flugkataschtrophe vo Teneriffa – Sammlig vo MultimediadateieQuelle ändere
- ↑ Wie kam es zum Jumbo-Crash auf Teneriffa? ZDF-Dokumentation über eine grosse Katastrophe der zivilen Luftfahrt. Beschrybig zum Film veröffendlecht am 4. Ouguscht 2006 uf presseportal.de.