Francisco Franco
Dr Francisco Paulino Hermenegildo Teódulo Franco y Bahamonde Salgado Pardo (* 4. Dezämber 1892 z Ferrol, Galizie; † 20. Novämber 1975 z Madrid), churz Francisco Franco [fɾanˈθisko ˈfɾaŋko], isch e schbanische General und Diktator gsi. In dr Zit vo 1939 bis zu sim Dood isch dr Franco Staatsschef vo Schbanie gsi.
![](http://upload.wikimedia.org/wikipedia/commons/thumb/a/a3/RETRATO_DEL_GRAL._FRANCISCO_FRANCO_BAHAMONDE.jpg/220px-RETRATO_DEL_GRAL._FRANCISCO_FRANCO_BAHAMONDE.jpg)
Under em Franco siner Füerig häi rächti Milidäär im Juli 1936 e Staatssträich gege die republikanischi Regierig vo Schbanie, wo im Februar 1936 demokratisch gweelt worden isch, usgfüert. Es isch zum ene Bürgerchrieg choo, wo sich Nazi-Dütschland und s faschistische Königriich Italie uf dr Site vo de Frankiste iigmischt häi, wääred d Republikaner nume vo dr Sowjetunion underschdützt worde si. Die öiropäische Demokratie häi sich für nöitraal erkläärt. 1939 häi die ufständische Chreft s ganze Land eroberet und dr Franco, wo z Schbanie als El Caudillo („Dr Füerer“) bezäichnet worden isch, het s Land diktatorisch afo regiere. Opposizionelli si zu Duusige verhaftet und ermordet worde. Im Joor 1946 het dr Franco z Schbanie d Monarchii wider iigfüert, het aber käi Köönig ernennt und isch bis 1975 Regänt vom Köönigriich Schbanie bliibe.
Litratur
ändere- Juan Pablo Fusi Aizpurúa: Franco. Spanien unter der Diktatur 1936–1975; München: dtv, 1992; ISBN 3-423-04576-0.
- Bartolomé Bennassar: Franco; Paris: Perrin, coll. « Tempus », 2002 (19951; ISBN 2262018952.
- Stanley G. Payne: Franco and Hitler. Spain, Germany, and World War II. Yale University Press, New Haven 2008; ISBN 978-0-300-12282-4.
- Paul Preston: Franco. A Biography. Fontana Press, London 1993, ISBN 0-00-686210-1.
- Eberhard Straub: Das spanische Jahrhundert. Siedler, 2004; ISBN 3886807398
- Geoffrey Jensen: Franco. Soldier, Commander, Dictator; Brassey’s US, 2005; ISBN 1574886444.
Weblingg
ändere- Biografii vom Franco bi DHM
- Litratur vom und über e Francisco Franco Bahamonde im Katalog vom Ibero-Amerikanische Institut z Berlin
- Im Franco sini Konzentrazioonslaager
- Im Franco si lange Schatte
- Telepolis: «Die spanische Regierung beginnt mit der Aufarbeitung der Franco-Diktatur»
- «Letzte Franco-Statue wird entfernt». Kölner Stadt-Anzeiger