Frànzeescha Volleybàllnàzionààlmànnschàft vu da Manner

Dialäkt: Mìlhüüserdiitsch

D’ frànzeescha Volleybàllnàzionààlmànnschàft vu da Manner (frànzeesch équipe de France masculine de volley-ball) ìsch a Üsswàhl vu da bäschta frànzeescha Schpìeler, wo d’ Fédération française de volley bii internàzionààla Turniarer un Landerschpìeler represantiart. D’ Frànzoosa sìnn ànna 2021 bii da Olìmpischa Schpìeler z’ Tokyo Olìmpiasiiger un ànna 2015 Öiropàmaischter worra. Üsserdam hann sa ànna 2015 un 2017 d’ Weltliga gwunna.

Gschìcht

Waltmaischterschàfta

d’ Nàzionààlmànnschàft vor dr WM 2014

Bii da äärschta baida Volleybàll-Waltmaischterschàfta ànna 1949 un 1952 sìnn d’ Frànzoosa jewills uff Plàtz 6 ànakumma. Ànna 1956 sìnn sa àls Gàschtgaawer uff Plàtz 7 ànakumma. Viar Joohra schpeeter sìnn sa bis àm Plàtz 9 glunga. Ànna 1962 hann sa àn dr Waltmaischterschàft nìt mìtgmàcht. Vu 1966 bis 1982 hann sa numma Plàtziarunga zwìscha 15 un 18 ghàà. Bii dr zwaita WM ìn Frànkrììch sìnn sa nochamol uff Plàtz 6 ànakumma. Ànna 1990 sìnn sa Àchter worra; àn da baida folgenda Turniarer hann sa nìt mìtgmàcht. Àn dr WM 2022 hann d’ Frànzoosa d’ Bronza-n-üsszaichnung bikumma —bis zu doo ìsch dàs ìhr greeschter Ärfolg gsìì. Ànna 2016 sìnn sa nochamol Säkschter gsìì. Viar Joohra schpeeter sìnn sa uff Plàtz 11 ànakumma, un àn dr WM 2014 hann sa s’ Schpìel um dr drìtta Plàtz geega Diitschlànd verloora. Ànna 2018 sìnn sa ìn dr zwaita Grupparunda-n-üssgschaida un sìnn uff Plàtz 9 ànakumma.

Olìmpischa Schpìeler

Frànkrììch geega Bràsilia bii da Olìmpischa Schpìeler 2016

Wu d’ Frànzoosa ànna 1988 zem äärschta Mol àn da Olìmpischa Schpìeler mìtgmàcht hann, sìnn sa uff Plàtz 8 ànakumma. Biim Turniar vu 1992 sìnn sa Älfter worra. Ànna 2004 z’ Athen sìnn sa ìn dr Vorrunda-n-üssgschaida un sìnn uff Plàtz 9 ànakumma. Ànna 2016 z’ Rio de Janeiro ìsch s’ gliicha-n-Ärgabniss gsìì. Biim öiropäischa Kwàlifikàzioonsturniar z’ Berlin hann sa d’ Finààla geega Diitschlànd gwunna un hann àlso àm Turniar vu 2020 z’ Tokio känna mìtmàcha. Därt hann sa s’ Andschpìel mìt 3:2 Satz geega Rüsslànd gwunna un hann ìhra äärschta olìmpischa-n-Üsszaichnung bikumma.

Öiropàmaischterschàfta

Bii dr äärschta Volleybàll-Öiropàmaischterschàft ànna 1946 sìnn d’ Frànzoosa-n-ìm Andschpìel vu dr Tschechoslowakäi gschlààga worra. Ànna 1950 hann sa àm Turniar nìt mìtgmàcht, àwwer ain Joohr schpeeter sìnn sa ìm aigena Lànd Drìtter worra. Doo druff sìnn sa dräimol uff Plàtz 8 ànakumma. Bii da naachschta baida Turniarer sìnn sa uff Plàtz 10 un 14 gsìì. Wu d’ Öiropàmaischterschàft ànna 1979 nochamol ìn Frànkrììch schtàttgfunda hàt, sìnn d’ Frànzoosa-n-uff Plàtz viar ànakumma. D’rnooh sìnn sa ànna 1981 Àchter worra, un Zwälfter ìm Joohr 1983. Zwai Joohra schpeeter sìnn sa bis àm Plàtz 3 glunga. Ànna 1987 hann d’ Frànzoosa s’ Andschpìel geega d’ Sowjetunioon verloora. D’rnooh sìnn sa ainmol Fìmfter un zwaimol Niinter worra; àn dr Öiropàmaischterschàft 1995 hann sa nìt mìgmàcht. Ànna 1997 sìnn sa uff dr viarta Plàtz ànakumma, d’rnooh sìnn sa Säckschter un Siabter gsìì. Ànna 2003 hann sa ìhra dritta Finààla verloora, dàsmol geega-n-Itàlia. Bii da Öiropàmaischterschàfta vu 2005 un 2007 sìnn d’ Frànzoosa-n-uff Plàtz 7 un 8 ànakumma. Ànna 2009 hann sa zem viarta Mol s’ Andschpìel verloora, dàsmol geega Poola. Ànna 2011 sìnn d’ Frànzoosa ìn dr Viartelfinààla geega Serbia-n-üssgschaida, un ànna 2013 ìn dr gliicha Runda geega Rüsslànd. Bii dr Öiropàmaischterschàft 2015 hat Frànkrììch s’ Andschpìel geega Sloweenia gwunna un ìsch zem äärschta Mol Öiropàmaischter worra. Àls Tìtelvertaidiger sìnn d’ Frànzoosa ànna 2017 ìn dr Playoff-Runda vu dr tschechischa Mànnschàft gschlààga worra. Àn dr Öiropàmaischterschàft 2019 hann sa s’ Schpìel um dr drìtta Plàtz geega Poola verloora.

World Cup

Biim äärschta Waltpokàl ànna 1965 sìnn d’ Frànzoosa-n-uff Plàtz 11 ànakumma —dàs ìsch dr lätschta Plàtz gsìì. Ìhr zwaiter Ufftrìtt hann sa ànna 2003 ghàà; därt sìnn sa Fìmfter worra.

Nations League

Bii dr äärschta-n-Üssgààb vu dr Nations League 2018 sìnn d’ Frànzoosa d’ bäschta Mànnschàft ìn dr Vorrunda gsìì. Àn dr Finààlrunda, wo ìn Frànkrììch schtàttgfunda hàt, sìnn sa àm Andschpìel vu Rüssland gschlààga worra. Biim Turniar vu 2019 sìnn sa àn dr Viartelfinààla gschlààga worra.

Waltliga

d’ Siigerehrung àn dr Waltliga 2015

Ìn da Joohra 1990 bis 1992 sìnn d’ Frànzoosa ìn dr Weltliga uff da Platz fìmf, àcht un älf ànakumma. Àb 1999 sìnn sa wììder drbii gsìì un sìnn z’äärscht dräimol Siabter un amol Fìmfter worra. Ànna 2003 sìnn sa numma-n-uff Plàtz 10 ànakumma. Ànna 2004 sìnn sa nochamol uff Plàtz fìmf ànakumma, un nochamol uff Plàtz zeh-n-ìm naachschta Joohr. Ànna 2006 sìnn sa zem äärschta Mol bis àm Andschpìel glunga, wo sa geega Bràsilia verloora hann. Ìm Joohr druff sìnn sa uff Plàtz säcks ànakumma, un d’rnooh uff Platzer zwìscha sìewa un zwälf. Ànna 2015 hann d’ Frànzoosa zem äärschta Mol s’ Wättbewarb gwunna, mìt’ma Finààlsiig geega Serbia. Ànna 2017 hann sa sìch àui ìm Andschpìel geega dr Gàschtgaawer Bràsilia duuragsätzt un hann domìt ìhr zwaiter Tìtel gwunna.

Lüag àui

• Frànzeescha Volleybàllnàzionààlmànnschàft vu da Fràuija

Weblìnks

 Commons: Frànzeescha Volleybàllnàzionààlmànnschàft vu da Manner – Sammlig vo Multimediadateie

• Informàzioona ìwwer d’ frànzeescha Nàzionààlmànnschàft biim Öiropäischa Volleybàll-Bund CEV (anglisch)
• d’ frànzeescha Nàzionààlmànnschàft bii Volleybox (hoochdiitsch)
• Websitta vum AIFVB, em Verain vu da internàzionààla frànzeescha Volleyàllschpìeler (frànzeesch)

Dä Artikel basiert uff ere fräie Übersetzig vu dere Version vum Artikel „Französische_Volleyballnationalmannschaft_der_Männer“ vu de hochdütsche Wikipedia. E Liste vu de Autore un Versione isch do z finde.