Friiburger Konzil

Dä Artikel behandlet dr Friiburger Greis um dr Adolf Lampe. Für anderi Friiburger Greis im Nationalsozialismus lueg do

S Friiburger Konzil, au Friiburger Greis, isch e Greis vu Akademiker un Bfarrer gsii, wu sich z Friiburg im Briisgaü geischtig vum Nationalsozialismus abgsetzt hän.

S Friiburger Konzil isch no dr Krischtallnacht vu grischtlige Friiburger Nationalekonome un Hischtoriker ins Läbe gruefe wore. S Ziil isch gsii, "sich iber d Megligkeite un Pflichte vu Chrischte zum Widerstand glar z wäre." S erscht Dräffe vu däm Greis isch in dr Wohnig vum Adolf Lampe gsii - dr Initiator un dr Virschidriiber. Speter het mer sich reihum droffe; Iiladige hets numme vu Müül zu Müül gä - mer het vermiide, Spüüre z hinterlo. Diä Sitzige sin meischtens mit eme Referat iigleitet wore, wu drno driber diskutiärt wore isch. S isch aber aü um Dagesfroge gange.

Am Afang isch dä Greis rein broteschtantisch gsii; speter het mer aü Katholike iiglade. Do isch drno iber Froge vum Natürrächt üs katholischer un evangelischer Sicht un iber d chrischtlig Ethik gredet wore.

Aber fir alli Teilnämmer, so schribt d Chistine Blumenberg-Lampe, seig d wichtigscht Frog diä noch em Rächt vu dr Chrischte zum Widerstand un s Broblem vum Tyrannemord gsii. "S isch arg un d Frog grunge wore, ebs nit Chrischtepflicht seig, uffe gege s Terrorregime ufzstoh un z versueche, s Volk wachzschittle, ohni Angscht vor dr Terrormethode vu dr Gestapo. Vu däm Gedänke isch mer aber abkumme, wel e Martyrium, wus villicht drzue kumme wär, sinnlos erschiine isch, wel im Volk küüm bekannt wore wär."

Dänkschrift Kirche un Welt

Im Friiburger Konzil soll aü e Dänkschrift enststande sii - aber wohl numme dur dr Kern vu däm Greis (Dietze, Ritter, Lampe), dänn verschiidini Mitgliider hän diä Schrift gar nit kännt. Dr Titel isch gsii: "Kirche und Welt. Eine notwendige Besinnung auf die Aufgaben des Christen und der Kirche in unserer Zeit." Diä Schrift isch vum Gerhard Ritter anne 1940 oder 41 formuliärt wore. Si isch heimlig verviilfältigt wore un innerhalb vu dr "Bekännende Kirch" im Oberbadische verdeilt wore. D Blumenberg-Lampe warnt aber drvor, d Verbreitig vu däre Schrift z iberschetze. "Kirche und Welt" fasst schiints d Diskussione innerhalb vum Konzil zämme. Si diäg sich fascht üsschliäßlig mit em Gehorsamsgebot (im Römerbriäf 13) üsenandersetze.

D Mitarbeiter un ihri Verfolgig

Wu dr Constantin Dietze un dr Adolf Lampe am 8. 9. 1944 verhaftet wore sin, isch s Friiburger Konzil nimmi zämmedrätte - üs licht vorstellbare Grind. Speter isch aü dr Gerhard Ritter feschtgnumme wore un wiä diä erschte zwee ins Berliner KZ kumme. Noch em Griäg hän diä drei Broffessore wider kenne zruckkehre; ab änds 46 oder afangs 47 isch s Friiburger Konzil fir e zitlang wider alli Monet zämmedrätte.

Zum Friiburger Konzil hän ghert

• D Brofessore vu dr Rächts- un Staatswisseschaftlige Fukultät, dr Constantin von Dietze, dr Walter Eucken, dr Adolf Lampe un dr Freiherr Marschall von Bieberstein un däne allene ihrini Fraüe.
• Witteri Brofessore: D Hischtoriker Clemens Bauer un Gerhard Ritter un ihrini Fraüe un schliäßlig dr Physiker Guschtav Mie.
• D Bfarrer vu dr Bekännende Kirch: dr Karl Dürr, dr Arnold Hesselbacher, dr Otto Hof, dr Fritz Horch un ihrini Fraüe un schliäßlig d Fraü Weber (d Wittfraü vum Pfar vu dr Chrischtuskirch)

Näben em Clemens Bauer sin speter vu katholischer Sitte no drzue kumme dr Pater Constantin Noppel, dr Wendelinus Rauch (spetere Erzbischof z Friiburg) un dr Dr. Scherer vum Herder-Verlag.

Üs eme ängere Greis vum Friiburger Konzil rüs isch dr Friiburger Bonhoeffer-Kreis entstande (lueg dert).

Literatür

• Hans Maier (Hrsg.): Die Freiburger Kreise. Akademischer Widerstand und Soziale Marktwirtschaft. Paderborn: Schöningh 2014. ISBN 978-3-506-76953-4
• Christine Blumenberg-Lampe: Das wirtschaftliche Programm der "Freiburger Kreise". Entwurf einer freiheitlich-sozialen Nachkriegswirtschaft. Nationalökonomen gegen den Nationalsozialismus, Berlin 1973.