E Geodät (Plural: Geodäte) oder Geometer isch e Fachmaa vo dr Geodesii also vom Vermässigswääse. E Geodät, wo das Fach – an dr Universität (Geodesii) oder an ere Fachhoochschuel (Vermässigswääse) – studiert het, isch e Vermässigsääscheniöör.

E Geodät wien er e Gländ vermisst.

D Usdrück „Geometer“ und „Geodät“ stamme us em Griechische und bedüte öbbe „öbber, wo d Ärde vermisst“ bzw. (in Grundstück) „iidäilt“. S Wort „Geometer“ wird in e baar dütschsproochige Gebiet bevorzugt, in andere gilt s – grad wie Landvermässer – as veraltet, in dr Umgangssprooch drifft mä au uf d Bezäichnig Fäldmässer. D Bruefsbezäichnig Vermässigstechniker oder au Geomatiker chönne die verwände, w e dreijöörigi duali Bruefsusbildig absolviert häi.