Georg Fuchs (Biolog)

Dialäkt: Undermarkgreflerisch

Dr Georg Konstantin Fuchs (* 29. Novämber 1945 z Ellwãng) isch e dytsche Mikrobiolog un Hochschuellehrer.

Läbe un Forschig ändere

Dr Fuchs het Biology an dr Universitet Fryburg studiert, wun er 1973 d Diplombriefig abglait het. Anne 1975 isch er bim Rudolf Thauer an dr Ruhr-Universitet Bochum mit ere Arbet iber di enzymatisch Oxidation vu Chohlemonoxid promoviert wore.

Noch eme Forschigsufenthalt z Madison/USA isch er vu 1976 bis 1982 wisseschaftlige Mitarbaiter vum Rudolf Thauer am Laboratorium fir Mikrobiology an dr Philipps-Universitet Marburg gsii, wun er si 1980 iber di biologisch Fixierig vu Chohlestoff habilitiert het.

Anne 1982 het dr Fuchs en Ruef as Ordinarius an d Universitet Ulm iberchuu, wun er au Laiter vu dr nei yygrichtete Abdailig Aagwändti Mikrobiology gsi isch. 1994 isch er as Noofolger vum Gerhart Drews as Ordinarius uf dr Lehrstuel fir Mikrobiology am Biologische Inschtitut II vu dr Universitet Fryburg gruefe wore. Vu 1990 bis 1998 isch er Koordinator vum DFG-Schwärpunkt „Anaerobier“ gsii un vu 1998 bis 2008 Koordinator vum DFG-Graduiertekolleg „Biochemie der Enzyme“. Anne 2011 isch dr Georg Fuchs emeritiert wore.

Hauptforschigsbiet vum Fuchs sin zäntrali Stoffwägselwäg un Enzym in Bakterie, im Vordergrund vu sym wisseschaftlige Inträssi stehn doderby verschideni Themene:

  • di biologisch CO2-Fixierig, wu dr Fuchs neii Megligkaite het chenne ufzaige, wie Bakterie Chohledioxid assimiliere
  • Stoffwägselwäg, wu di di zäntral Stoffwägselverbindig Essigsyyri oxidiert un in Zällböuschtai yyböue wird
  • dr Stoffwägsel vu stabile aromatische Verbindige, Chohlewasserstoff un Steroid, bsundersch unter Uusschluss vu Suurstoff.

Vu 1987 bis 1989 isch dr Fuchs Bresidänt vu dr Verainigung fir Allgmaini un Aagwändti Mikrobiology gsii.

Uusgläseni Publikatione ändere

  • mit Rolf Schauder, Bernhard Eikmanns, Rudolf K. Thauer un Fritz Widdel: Acetate oxidation to CO2 in anaerobic bacteria via a novel pathway not involving reactions of the citric acid cycle. In: Archives of Microbiology. Bd. 145, 1986, ISSN 0302-8933, S. 162–172, doi:10.1007/BF00446775.
  • mit M. Boll: Benzoyl-coenzyme A reductase (dearomatizing), a key enzyme of anaerobic aromatic metabolism. ATP dependence of the reaction, purification and some properties of the enzyme from Thauera aromatica strain K172. In: European Journal of Biochemistry. Bd. 234, 1995, ISSN 0014-2956, S. 921–933, doi:10.1111/j.1432-1033.1995.921_a.x.
  • mit Ivan A. Berg, Daniel Kockelkorn und Wolfgang Buckel: A 3-hydroxypropionate/4-hydroxybutyrate autotrophic carbon dioxide assimilation pathway in Archaea. In: Science. Bd. 318, Nr. 5857, 2007, S. 1782–1786, doi:10.1126/science.1149976.

Vu 1986 bis 1996 het dr Fuchs d Zytschrift FEMS Microbiology Reviews uusegee.

Lehrbiecher ändere

  • Peter Karlson, Detlef Doenecke, Jan Koolman, Georg Fuchs, Wolfgang Gerok: Karlsons Biochemie und Pathobiochemie. 15. Auflage. Georg Thieme Verlag, Stuttgart 2005, ISBN 3-13-357815-4.
  • Georg Fuchs (Hrsg.): Allgemeine Mikrobiologie. 9. Auflage. Georg Thieme Verlag, Stuttgart 2014, ISBN 978-3-13-444609-8

Ehrige un Mitglidschafte ändere

  • 1980 Ferderbryys vu dr Dytsche Gsellschaft fir Hygiene un Mikrobiology
  • 1982 Heisenberg-Stipändium
  • 1989 Merckle-Forschigsbryys vu dr Uni Ulm
  • 1996 Hauptbryys vu dr Dytsche Gsellschaft fir Hygiene un Mikrobiology
  • 1997 Leibnitz-Bryys vu dr Dytsche Forschigsgmainschaft
  • 2007 Mitglid vu dr Leopoldina[1]

Fueßnote ändere

  1. Mitglidsyytrag vu Georg Fuchs bi dr Dytsche Akademy vu dr Naturforscher Leopoldina, abgruefen am 14. Januar 2014.
  Dä Artikel basiert uff ere fräie Übersetzig vu dere Version vum Artikel „Georg_Fuchs_(Biologe)“ vu de dütsche Wikipedia. E Liste vu de Autore un Versione isch do z finde.