Ghiozzo

Ghiozzo (Padogobius bonelli)

Systematik

Chlass:	Chnochefisch (Osteichthyes)
Underchlass:	Strahleflosser (Actinopterygii)
Ordnig:	Barschartigi (Perciformes)
Familie:	Grundle (Gobiidae)
Gattig:	Padogobius
Art:	Ghiozzo

Wüsseschaftlige Name

Padogobius bonelli

Bonaparte, 1846

De Ghiozzo (Padogobius bonelli) isch e Süesswasserfisch wo z Norditalie endemisch isch und au im Tessin vorchunnt.

Uussie

De Ghiozzo isch e dünne längliche Fisch, wo 5 bis 7 cm lang werd. Mandli und Wiibli gsiend verschiden uus. S Wiibli isch hellbruu-dunkelbruu gfleckt und het dorsichtigi Flosse. Mandli sind dünkler und hend groossi bloilichi Flosse.

Verbraitig

De Ghiozzo isch en endemische Fisch im Iizugspiet vom Po, aso i Nordiatalie, im Tessin, aber au z Kroatie. Er mag subers Wasser und lebt i Flüüsgwässer und Standgwässer mit eme Grund us Chiselstai, wo au vill Wasserpflanze drinn wachset.

Lebeswiis

De Ghiozzo isch e Bodefisch, wo Wirbelloosi fresst. D Laichzitt goot vom April bis in Juni, wenn d Wassertemperatur öber 20 Grad stiigt. S Wiibli chlebt sini Aier under Stai oder a Muschle und s Mandli biwacht deno de Laich. Er verdaitig sis Revier mit Grüüsch. De Ghiozzo werd noch aim Joor gschlechtsriiff.

Büecher

Maurice Kottelat: European Freshwater Fishes; Cornol 2007. ISBN 978-2-8399-0298-4

Weblink

Ghiozzo uf Fishbase.org (englisch)