Dr Mathematiker Giuseppe Torelli
Dr Giuseppe Torelli (* 4. Novämber 1721 z Verona; † 18. August 1781) isch en italiänische Mathematiker und Übersetzer gsi.
Dr Torelli het an dr Uniwersidäät Padua under anderem Jura studiert und het in däm Fach bromoviert. Wil er e groosses Vermööge gerbt het, het er sich noch em Studium z Verona de Wüsseschafte chönne widme, bsundrigs dr Mathematik aber au Gschicht, Filosofii, Kunst, Antikwidääte und Litratuur und het usser Griechisch und Latiinisch au Hebräisch, Änglisch, Französisch und Spanisch gleert.
Er het joorzääntelang Vorberäitige gmacht und schliesslig d Wärk vom Archimedes nöi uusegee, uf Griechisch und uf Latiinisch. S Buech isch 1792 z Oxford postum bi dr Clarendon Press erschiine, dr Brofässer für Astronomii Robertson het s uusegee. Es het din au e Biografii vom Torelli, wo si Fründ Clemens Sibiliati verfasst het.
Dr Torelli het au d Faable vom Äsop uf Italiänisch übersetzt und dr Theokrit, Catull, Plautus (Pseudolus) und Vergil (die erste bäide Büecher vo dr Aeneis). Us em Änglische het er d Elegii vom Thomas Gray uf Italiänisch übersetzt. Er isch au für Dante Studie bekannt gsi.[1]
Dr Torelli het nie ghürootet und het z Verona e Hufe usländischi Bsuecher ghaa. Zu sine änglische Fründ häi dr Charles Stanhope und dr John Strange ghöört.
Weblingg ändere
Giuseppe Torelli im dütschsprochige Wikisource
Fuessnoote ändere
|
Dä Artikel basiert uff ere fräie Übersetzig vum Artikel „Giuseppe_Torelli_(Mathematiker)“ vu de dütsche Wikipedia. E Liste vu de Autore un Versione isch do z finde. |