Goesli vo Ehenä

Dr Goesli vo Ehenä het im 13. Joorhundert gläbt und isch von ere elsässische Ridderfamile choo.

Miniatur us em Codex Manesse mit Ridder bim ene Durnier, wo d Wabbe vo de Psitticher und vo de Stärner drääge. Dr Goesli isch dä mit em Babbegäi.

Si Familie isch südlig vo Stroossburg dehäi gsi. D Vo Ehenä si Burgmanne gsi z Obernä (hüte Obernai) und z Werd und häi as sonigi Burge bewacht und verdäidigt.

Dr Goesli isch as Ridder under em Naame Gozmar vo Ehrenä 1242 und 1276 urkundlig erwäänt worde. Er isch woorschinlig nid idäntisch mit em Minnesänger Goesli vo Ehenä, wo mä von em dänggt, ass er vo öbbe 1226 bis 1250 gläbt häig.