Gregor VI. (Gegepapscht)

Dr Gregor VI. isch e Gegepapscht un Aagherige vum remische Adelsgschlächt vu dr Crescentier im frieje 11. Johrhundert gsii. S Geburts- au au s Stäärbedatum waißt mer nit.

Lääbe

Noch eme Dood vum Sergius IV. anne 1012 isch s zue heftige Händel zwische dr verfyndete Gschlächter vu dr Crescentier un dr Tuskulaner chuu. Boodi Barteie hän aigeni Kandidate ufgstellt un dr Gregor isch im Mai 1012 zum Papscht un Noofolger vum Sergius IV. gwehlt wore.

D Kämpf zwische dr baide Gschlächter hän aber aaghalte un d Tuskulaner hän si emänd geg dr Gregor un d Crescentier chenne duresetze, so dass dr Benedikt VIII. ihn im Summer 1012 vu Rom het chenne verdrybe.

Dr Gregor isch fir e Zyt verschwunde un isch zmols an dr Wynächte 1012 in dr Pfalz Pöhlde z Dytschland in vollem Ornat vor em Chenig Heinrich II. erschine un het där bäte, ihn as Papscht aazerkänne. Dr dytsch Chenig ischn ere Antwort uusgwiche un het verschwige, ass er scho mit em Benedikt VIII. verhandlet het.

Wenigi Wuche no dr Wynächte het dr Gregor dodervu erfahre un het dr Chenig verloo. Zum letschte Mol gnännt wird dr Gregor VI. anne 1018.

Literatur

• Friedrich Wilhelm Bautz: Gregor VI. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 309.

Dä Artikel basiert uff ere fräie Übersetzig vu dere Version vum Artikel „Gregor_VI_(Gegenpapst)“ vu de dütsche Wikipedia. E Liste vu de Autore un Versione isch do z finde.