Groossrumäänie
Groossrumäänie (rumäänisch România Mare) isch d Bezäichnig für e histoorische rumäänische Staat, wo vo 1919 bis 1940 existitiert het. In dr Umgangssprooch het men em s Köönigriich Rumäänie gsäit. Es isch entstande, wo Rumänie noch em Erste Wältchrieg und em Ungarisch-Rumäänische Chrieg meereri Territorie überchoo het: vo Ungarn Siibebürge und Däil vo Banat, Kreischland, Sathmar und Maramuresch, vo Ööstriich Bukowina, vo Russland Bessarabie und vo Bulgarie Süddobrudscha. In deene Gebiet häi Volksversammlige dr Aaschluss an Rumäänie gforderet. S Land het mit ere Gröössi vo 295.049 km² si gröössti territoriaali Usdeenig erräicht.[1]
S politische Konzept vo Groossrumäänie isch d Veräinigung vo alle, wo Rumäänisch schwätze, in eme Nazionaalstaat, bsundrigs d Veräinigung vo Rumäänie und dr Moldau.[2][1]
Fuessnoote ändere
- ↑ 1,0 1,1 Dr Ardikel «Großrumänien» uf dr dütsche Wikipedia
- ↑ Irina Livezeanu: Cultural Politics in Greater Romania: Regionalism, Nation Building & Ethnic Struggle, 1918-1930. Cornell University Press, 2000, S. 4 und S. 302.