Vorlage:Infobox Dateiformat/Wartung/magic fehltVorlage:Infobox Dateiformat/Wartung/website fehlt
HTML (Hypertext Markup Language)
Dateiändig.html, .htm
MIME-Typetext/html
Entwicklet voWorld Wide Web Consortium
ArtUszeichnigssprooch
Container fürSGML
Erwiiteret zuXHTML
Standard(s):W3C HTML 4.01
W3C HTML 3.2

HTML bedütet Hypertext Markup Language und isch es Dokumenteformat zor Struktuierig vo Text für Internetsite.

Gschicht ändere

HTML isch 1989 vo Tim Berners-Lee am CERN in Genf entwicklet worde. Im Berners-Lee's vorstelig isch gsi, dasmu so oni grossi Problem cha Homepages erstelle u dasmu nei spezieli Programm, sogenanti Browser het, wo di Textstrukturierung umwandle inas schöns Dokument. Mit de Jahr isch aber z'Bedürfnis gwachse, im Browser o genau z'sääge, winner di einzelni Textstrukture sou anziige. Zum Biispüu weli Schrüftart u weli Farb a Textabschnitt sou ha. So isch z'Prinzip, dasmu t'Struktur vom Uusgseh tuet trenne ging meh verlore gange. Doch ide löschte Jahr hettmu a nüwi Sprach extra für z'Uusgseh vom Text erfune: CSS. Mit CSS isches ize füu iifacher Text z'formatiere u de einzelne Strukture verschideni Formatierige zuezwiise. Wüus iz endlech a möglechkiit git hetmu bide Witterentwicklig vo HTML gsiit, dasmu in zuekunft HTML numeno für z'Strukturiere vo Text wot iisetzte. So isch di nüwi Version vo HTML XHTML entstane. Das X vorum HTML stiit für Extensible. Das isch därum derzue cho, wüumu us Basis vo dem Format XML verwendet, HTML het no a anderi Grundlag bruucht. Ade Witerentwicklig vo XHTML u dennzumaus o HTML schaffet z'W3C. Das isch a Gruppa vo Lüt wo Standards für z'Internet usarbiite. Ufum Internet gfüne chamusi under www.w3c.org.

Iisatzgebiet ändere

HTML isch nit nur fers Usgabemedium Bildschirm verwendbar, sundern fer alles, was mit Texte ebbis afange cha, so z. B. Drucker oder PDAs. D'Syntax fer akustischi Sproochusgab isch au scho definiert, wird aber noch vo so guet wie kainer verbraitete Software au gnutzt.

Uufbuu vomena HTML-Dokument ändere

As HTML-Dokument isch Buumartig uufbuut. Das hisst, dases verschachtlet ist. So gits zum Biispüu de "Körper"-Beriich vode sitta. Dete stiit alles, wo de im Browser o dargsteut chunnt. Innerhaub vo dem Beriich chamu nei Title, Absätz, Tabälle, usw. definiere. Die verschidene Element chamu nai o umi kombiniere. So isches möglech, a Absatz ina Tabäla ichiztue, oder o a Tabäla ina Absatz.

Ds HTML-Dokument isch i 2 grossi Beriich untertüut. I "Körper"-Beriich, wo obe scho churz erklärt isch u nai no ina Chopf-Beriich. I dem Beriich stane Angabe uber z'Dokment, wi zum Biispüut de Titu wo de o ide "blaui" Tituzila vom Browser anziig chunnt. Nei hets dete ono Informatione für Suechmaschine, wi zum Biispüu a churza Beschriib vode Sitta. Di Angabe für Suechmaschine nenntmu Meta-Angabe. Si müesse nid z'wingend gschrübe cho. Ganz am Anfang vom Dokument settemu ono churz schriibe, mit weller Version vo HTML oder XHTML womu das Dokument gschrübe het. Für XHTML 1.1 (de aktuellschta Standard) schribtmu z. B.

<!DOCTYPE html PUBLIC "-//W3C//DTD XHTML 1.1//EN"
    "http://www.w3.org/TR/xhtml11/DTD/xhtml11.dtd">

HTML lehre ändere

Im Internet gits verschideni Adrässe zum HTML lehre. T'Nummer 1 i dem Gebiet isch SELFHTML vo Stefan Münz: www.selfhtml.org. Bi Wikibooks sina as par Lüt ono drann a churze Kurs für Anfänger z'schriibe: http://de.wikibooks.org/wiki/Websiteentwicklung:_XHTML