Hassan Rohani
Dr Hassan Rohani (persisch حسن روحانی , DMG Ḥasan Rūḥānī; Geburtsnaame Hassan Feridon, Farsiحسن فریدون; * 13. Novämber 1948 z Sorkheh, Browinz Semnan, Iran)[1] isch e iranische Politiker und e schiitische Mudschtahid (Rächtsgleerte) mit em religiööse Ditel Hodschatoleslam.[2] Er isch sit dr Wahl am 14. Juni 2013 dr designiert Bresidänt vo dr Islamische Republik Iran und lööst dr Mahmud Ahmadinedschad am 3. August 2013 ab.
Lääbe
ändere1960 het dr Rohani si Usbildig in dr tradizionelle islamische Schuel z Ghom (Hawza) aagfange; 1969 isch er an d Teheraner Universidäät und 1972 het er si Studium vo de Rächtswüsseschafte abgschlosse.
Sit 1992 isch er dr Läiter vom Zentrum für strategischi Forschige (CSR) im Iran.[3]
Politischi Karriere
ändere
Vo 1989 bis 2005 isch dr Rohani Mitgliid vom Nazionale Sicherhäitsroot gsi, sit 1991 vom Schlichdigsroot. 1998 isch er in Expärteroot gweelt worde, und wider 2006.
Dr Rohani isch dr stellverdrätend Bresidänt in der 4. und 5. Legislaturperiode vom iranische Parlamänt (Madschles) gsi. 2003 isch er under em Bresidänt Chatami zum Schefunderhändler vo de Gsprööch zwüsche dr EU-3 (Groossbritannie, Frankriich, Dütschland) und em Iran im Bezuug uf s iranische Atomprogramm ernennt worde und Uranaariicherig isch für e Zit gstoppt worde. Am 18. August 2005 het en dr nöi Bresidänt Mahmud Ahmadinedschad mit em Ali Laridschani ersetzt. Dr Rohani gältet as politisch in dr Nööchi vom Alī Akbar Hāschemī Rafsandschānī aagsiidlet.
Bi de Bresidäntschaftswaale 2013 het dr Rohani in dr erste Runde 18'613'329 Stimme überchoo, was ere Kwote vo 50,70 Brozänt entspricht und isch aso gweelt gsi.[4]
Wärk
ändere- Rūḥānī, Ḥasan: Chāṭirāt-i Ḥudschat al-Islām va al-Muslimīn Duktur Ḥasan Rūḥānī: Inqilāb-i Islāmī (1341-1357), Tihrān: Markaz-i Asnād-i Inqilāb-i Islāmī, 2009, ISBN 978-964-419-036-0
Weblingg
ändere
Commons: Hassan Rohani – Sammlig vo Multimediadateie- Profil vo dr Rouhani.ir
- Profil vom Ḥasan Rūḥānī, BBC (2003, änglisch)
- Hindergrundbricht vo dr AFP (2003, änglisch)
Fuessnoote
ändere- ↑ Press TV Archivlink (Memento vom 13. Juni 2013 im Internet Archive) Hassan Rohani (abgrüeft am 14. Juni 2013)
- ↑ Mit em Zuesatz val Muslimīn
- ↑ csr.ir Archivlink (Memento vom 15. Mai 2013 im Internet Archive) Center for Strategic Research (CSR) (abgerufen am 15. Juni 2013)
- ↑ presstv.ir Archivlink (Memento vom 16. Juni 2013 im Internet Archive) Rohani becomes Irans new President (abgrüeft am 15. Juni 2013)
|
Dä Artikel basiert uff ere fräie Übersetzig vum Artikel „Hassan_Rohani“ vu de dütsche Wikipedia. E Liste vu de Autore un Versione isch do z finde. |