S Huus «zem Goldige Stauffe»

Koordinate: 47° 33′ 27,9″ N, 7° 35′ 26,5″ O; CH1903: 611447 / 267459

S Huus «zem Goldige Stauffe»
Dialäkt: Aagglobaseldütsch

S Huus «zem Goldige Stauffe» isch e historischs Geböid an dr Augustinergass 5 z Baasel. Es isch e Baasler Kulturguet, wo für d Regioon vo Bedütig isch.

Baugschicht ändere

Es git Urkunde ass scho im Joor 1339 e Burkhard vo Staufe, wo dr Notar vo dr Baasler Kurie gsi isch, uf dere Liigeschaft si Büro gha het. Woorschinlig chunnt dr Naame vom Huus vo iim. Aber scho zwäi Generazioone spööter, im Joor 1376, het s Huus «zem Stouff» ghäisse. Mä het dr Naame denn eender vom e Stauf, also eme Bächer, abgläitet. As dr «zem Goldige Stauffe» isch s sit 1519 bekannt. Bis yur Middi vom 16. Joorhundert het d Liigeschaft us eme Vorder- und eme Hinderhuus bestande und zwüsche deen isch e schmaals Gässli duuregange.

Im 20. Jorhundert het dr Aarbetsrabbe e Räije vo Hüüser an dr Augustinergass renowiert, drunder au s «zem Goldige Stauffe».[1]

Hützudaag si wider wie vor fast siibe Joorhundert Notar im Geböid dehäi.[2]

Litratuur ändere

  • Gustaf Adolf Wanner: Das Haus «zum goldenen Stauffen» an der Augustinergasse in Basel.

Fuessnoote ändere

  1. Eugen A. Meier, Hans Bauer, Basler Arbeitsrappen, Birkhäuser Basel, 1984, S.76-78
  2. SCHMIEDLIN - Advokatur und Notariat