Hekataios vo Milet

Dr Hekataios vo Milet (altgriech. Ἑκαταῖος; latin. Hecataeus) isch en antike griechische Gschichtsschriiber und Geograaf gsi. Er isch dr Soon vom Hegesandros gsi und vo öbbe 560 bis 480 v. d. Z. z Milet gwirkt.

In dr Antike het men en wie au hüte no immer wider mit em Hekataios vo Abdera verwäggselt, wo öbbe zwäi Joorhundert noch em Hekataios vo Milet gläbt het und näbe gschichtlige Büecher au Wärk über e Homer und Hesiod verfasst het.

Si Wärk

Dr Hekataios vo Milet het e Räisebeschriibig (Periegesis, griechisch Περιήγησις; dt. „Umriss“) vo dr Wält wie si iim bekannt gsi isch, verfasst, wo geografisch und historisch für die domooligi Zit rächt exakt gsi isch. Si Bricht, wo öbbe 300 Bruchstück von em erhalte si, isch räin beschriibend und isch hüfig vom Herodot zitiert worde.

Si Wärk in vier Bänd, wo spööter as Genealogiai (griechisch Γενεαλογίαι) bekannt worde isch, isch s eltiste griechische Gschichtsbuech, wo erhalte isch. Es markiert dr Aafang von ere Gschichtsschriibig, wo uf ere Ruum-Zit-Erkenntnis basiert, und het en erste Aafang gmacht, mythologischi Inhalt razional züberbrüefe.

Litratuur

Lucio Bertelli: Hecataeus: From Genealogy to Historiography. In: Nino Luraghi (Hrsg.): The Historian's Craft in the Age of Herodotus. Oxford 2001, ISBN 978-0-19-921511-9. , S. 67ff.
Felix Jacoby: Hekataios. In: Paulys Realencyclopädie der classischen Altertumswissenschaft. Bd. 7,2. Stuttgart 1912, Sp. 2667ff. (grundlegend)
Klaus Meister: Die griechische Geschichtsschreibung. Kohlhammer, Stuttgart 1990, ISBN 3-17-010264-8.
Stephanie West: Herodotus' Portrait of Hecataeus. In: Journal of Hellenic Studies 111, 1991, S. 144–160. ISSN 0075-4269

Weblingg

Hekataios von Milet. In: Ehsan Yarshater (Hrsg.): Encyclopædia Iranica (änglisch, inkl. Literaturaagabe)
Jona Lendering: Artikel. In: Livius.org (änglisch)