Hellas Planitia

Dialäkt: Markgräflerisch (Ebringe)

D' Hellas Planitia (lat. Gricheland-Ebeni) isch dr gröscht Impaktkrater uffem Mars un nooch em Südpol-Aitken-Becke uffem Erdmo dr zweitgröscht bekannt Karter in üserm Sunnesystem.

Hellas Planitia. S'Photo isch us mehrere Ufnahme vu dr Rümsonde Mars Global Surveyor zämmegsetzt worre

Si befindet sich uf dr südliche Marshalbchugel un isch uf Hellas, dr klassisch Namme fier Gricheland, daift worre.

D' Hellas Planitia isch vor guet 3,9 bis 3,5 Mrd. Johre in dr Noachische Periode dur dr Ischlag vume chilometergrosse Asteroid entstande. S'Becke het e Durmesser vu bis zue 2.100 km und isch mit ere Diefi vu bis zue 9 km die diefscht Gegend uffem Mars. Um dr Krater rum verlauft e Ring us ufgworfenem Material vu guet 2 km Höchi.

Dä Artikel basiert uff ere fräie Übersetzig vum Artikel „Hellas_Planitia“ vu de dütsche Wikipedia. E Liste vu de Autore un Versione isch do z finde.